សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យោងតាមរបាយការណ៍របស់អធិការដ្ឋាននគរបាលខណ្ឌដង្កោ នៅព្រឹកថ្ងៃទី១៩ ខែកក្កដា ឆ្នាំ២០២៣នេះ មានជនសង្ស័យចំនួន០៤នាក់ ពាក់ព័ន្ធករណីឆក់ទូរស័ព្ទដៃ ,លួចម៉ូតូសណ្ដោងរុឺម៉ក និងទទួលផលចោរកម្ម ត្រូវបានកម្លាំងជំនាញ នៃអធិការដ្ឋាននគរបាលខណ្ឌដង្កោ ធ្វេីការឃាត់ខ្លួនជាបន្តបន្ទាប់ ក្នុងនោះរួមមាន ៖
ករណី១ ៖ លួចមានស្ថានទម្ងន់ទោស(ឆក់ទូរស័ព្ទដៃ) កាលពីថ្ងៃទី១៨ ខែកក្កដា ឆ្នាំ២០២៣ វេលាម៉ោង ១៥និង២០នាទី ត្រង់ចំណុចស្ថានីយ៍ប្រេងឥន្ធនៈ Ptt ផ្លូវជាតិលេខ២ ស្ថិតនៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ ឃាត់ខ្លួនជនសង្ស័យចំនួន០២នាក់ ទី១ឈ្មោះ អុន រ៉ាវុធ ហៅ ចយ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិទន្លា ឃុំថ្មី ស្រុកកណ្តាលស្ទឹង ខេត្តកណ្តាល , ទី២ឈ្មោះ ទូច បញ្ញា ភេទប្រុស អាយុ២៨ឆ្នាំ ជនជាតិខ្មែរ មុចរបរមិនពិតប្រាកដ មានទីលំនៅភូមិទ្រា ឃុំទ្រា ស្រុកកណ្តាលស្ទឹង ខេត្តកណ្តាល ដោយជនសង្ស័យទាំង០២នាក់ (មានសារធាតុញៀន)និងត្រូវបានឃាត់ខ្លួននៅថ្ងៃធ្វេីសកម្មភាព ។
ករណីទី២ ៖ លួច (ម៉ូតូនិងរុឺម៉ក) បង្កឡេីងកាលពីថ្ងៃទី០៩ ខែកក្កដា ឆ្នាំ២០២៣ វេលាម៉ោង២០និង១០នាទី ត្រង់ចំណុច ដីឡូតិ៍គ្មានលេខ ផ្លូវបេតុង ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ ហេីយកម្លាំងសមត្ថកិច្ចជំនាញធ្វេីការស្រាវជ្រាវឃាត់ខ្លួនជនសង្ស័យចំនួន០២នាក់នៅថ្ងៃទី១៨ ខែកក្កដា ឆ្នាំ២០២៣ រួមមាន ៖ ទី១ឈ្មោះ តឹង វណ្ណ: ហៅ ចេក ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅផ្ទះលេខ២ ផ្លូវបេតុង ភូមិត្នោតជ្រុំ២ សង្កាត់បឹងទំពន់២ ខណ្ឌមានជ័យ រាជធានីភ្នំពេញ(មានសារធាតុញៀន) ,និង ទី២ឈ្មោះ សុខ សាង ភេទប្រុស អាយុ៣៧ឆ្នាំ មុខរបរលក់ដូរ (ជាប់ពីបទ ទទួលផលចោរកម្ម )ស្នាក់នៅផ្ទះជួល ស្ថិតនៅភូមិចំរើនផល សង្កាត់បឹងទំពន់២ ខណ្ឌមានជ័យ រាជធានីភ្នំពេញ ។
បច្ចុប្បន្ននេះ ជនសង្ស័យទាំង០៤នាក់ខាងលេី ត្រូវបានកម្លាំងជំនាញ នៃអធិការដ្ឋាននគរបាលខណ្ឌដង្កោ ធ្វេីការសាកសួរបន្ត ដេីម្បីកសាងសំណុំរឿងចាត់ការតាមនីតិវិធី៕
ដោយ ៖ ភារ៉ា ដង្កោ
