សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីជាជនជាតិហ្វីលីពីនម្នាក់រអិលជេីងដួលបោកក្បាលទៅនឹងការ៉ូបណ្តាលឱ្យស្លាប់ភ្លាមៗ បង្កការភ្ញាក់ផ្អេីលកាលពីវេលាម៉ោង១១ព្រឹក ថ្ងៃទី១៩ ខែកក្ដដា ឆ្នាំ២០២៣ នៅផ្ទះលេខ៧ ក្នុងបុរីស៊ុនតូនី ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា ជនរងគ្រោះភេទស្រី អាយុ៥៤ឆ្នាំ ជាជនជាតិហ្វីលីពីន មុនពេលកេីតហេតុជនរងគ្រោះបាននៅក្នុងផ្ទះជាន់ទី១ ហើយពេលដេីរនៅក្នុងបន្ទប់ក៏រអិលជេីងដួលផ្ងារក្រោយបោកក្បាលនឹងការ៉ូស្លាប់ភ្លាមៗតែម្តង តែដោយមិនអស់ចិត្តក្រុមគ្រួសារបានហៅក្រុមគ្រូពេទ្យមកពិនិត្យឱ្យអស់ការសង្ស័យហេីយបានបញ្ជាក់ថាជនរងគ្រោះបានស្លាប់បាត់ទៅហេីយទេីបរាយការណ៍ទៅសមត្ថកិច្ចចុះមកពិនិត្យជាក់ស្តែងនិងប្រគល់ទៅឱ្យក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
