សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅរសៀលថ្ងៃទី២៩ ខែកក្កដា ឆ្នាំ២០២៣ នៅក្រុងខេត្តបាត់ដំបង មានភ្លៀងមួយមេធំ ជាមួយផ្គរខ្យល់កន្ត្រាក់ ដែលបណ្ដាលឲ្យមានទឹកដក់ តាមទីសាធារណៈខ្លះ នឹងអាចបណ្ដាលឲ្យស្ទះប្រព័ន្ធលូ ប្រសិនបើបងប្អូនប្រជាពលរដ្ឋ មិនបានចូលរួម ថែរក្សាសំរាម រៀបទុកដាក់ឲ្យមានរបៀប។
លោក សុខ លូ អភិបាលនៃគណៈអភិបាលខេត្តបាត់ដំបង បានបង្ហោះលើ facebook ផ្លូវការរបស់លោកយ៉ាងដូច្នេះថា , ក្រោយពេលភ្លៀង…ជារឿយៗតែងជួបបញ្ហានេះ។ សូមបងប្អូនទាំងអស់កុំចោលសម្រាមផ្តេសផ្តាស ជាពិសេសសូមបងប្អូនដែលរស់នៅតាមដងផ្លូវមេត្តាមានស្មារតីចូលរួមទាំងអស់គ្នាដោយក្តីអនុគ្រោះ …🙏🙏🙏
លោកអភិបាលខេត្តបានបន្តថា , •••សូមអរគុណមន្ត្រីនៃមន្ទីរសាធារណៈការនិងដឹកជញ្ជូនខេត្តដែលបានដើរកាយសម្រាមដែលកកស្ទះនៅមុខលូក្រោយពេលភ្លៀង…។ ដោយឡែកនៅខេត្តកំពង់ស្ពឺ ទឹកភ្លៀងជន់លិចផ្លូវជាតិលេខ៤ ចន្លោះគីឡូម៉ែត្រលេខ ១០៧-១០៨ សូមបង្វែរទៅប្រើប្រាស់ផ្លូវល្បឿនលឿនជាបណ្ដោះអាសន្នសិន ។ នេះបើយោងតាមការជូនដំណឹងរបស់អាជ្ញាធរខេត្ត ចៀសវាងការកក់ស្ទះចរាចរណ៍ សុវត្ថិភាពជាដើម ៕
ដោយ ៖ សិលា
