សារព័ត៌មាន នគរវត្ត តែងតែនាំមុខគេជានិច្ច
អ្នកចាំទីសញ្ជាតិអ៊ីតាលី កីឡាករ Gianluigi Buffon បានប្រកាសចូលនិវត្តន៍ពីបាល់ទាត់ហើយ ដោយកីឡាករវ័យ៤៥ឆ្នាំរូបនេះបានប្រកាសកាលពីថ្ងៃពុធ បន្ទាប់ពីចូលប្រឡូកក្នុងវិស័យបាល់ទាត់រយៈពេល២៨ឆ្នាំដែលគាត់បានឈានដល់ចំណុចសំខាន់ពិសេសសម្រាប់ក្លិប និងប្រទេស។
លោក Buffon ដែលបានលេងកាលពីឆ្នាំ២០០៦ បានលើកពាន World Cup ជាមួយក្រុមជម្រើសជាតិអ៊ីតាលី, បានឈ្នះពាន Serie A ចំនួន១០ជាមួយ Juventus និងពាន Ligue 1 ជាមួយ Paris St Germain ។
លោក Buffon បាននិយាយនៅក្នុងសេចក្តីថ្លែងការណ៍មួយថា “មនុស្សទាំងអស់ជាអ្នកផ្តល់ឱ្យខ្ញុំនូវអ្វីគ្រប់យ៉ាង។ ខ្ញុំបានផ្តល់ឱ្យអ្នកនូវអ្វីគ្រប់យ៉ាង យើងបានធ្វើវាជាមួយគ្នា”។ គេចាត់ទុកយ៉ាងទូលំទូលាយថា ជាអ្នកចាំទីរូបនេះគឺជាកីឡាករដ៏អស្ចារ្យបំផុតគ្រប់ពេល គាត់បានបញ្ចប់អាជីពរបស់គាត់នៅកន្លែងដែលគាត់ចាប់ផ្តើមនៅឯក្លិប Parma ដែលស្ថិតក្នុងកម្រិតទី២របស់លីកអ៊ីតាលី ដោយបានជួបបញ្ហារបួសក្នុងរដូវកាលចុងក្រោយរបស់គាត់។
Buffon បានចូលរួមជាមួយ Juventus ពីក្លិប Parma កាលពីឆ្នាំ២០០១ហើយបានចំណាយពេលភាគច្រើននៃអាជីពរបស់គាត់ជាមួយក្លិប លើកលែងតែមួយរដូវកាលនៅ PSG ក្នុងឆ្នាំ២០១៨–២០១៩ មុនពេលត្រឡប់ទៅកាន់ទីក្រុង Turin វិញ ហើយបន្ទាប់មកទៅកាន់ក្លិបចាស់Parma ក្នុងខែមិថុនា ឆ្នាំ២០២១។
កីឡាករ Buffon បានចាប់ផ្តើមអាជីពរបស់គាត់នៅក្នុងប្រព័ន្ធយុវជនរបស់ក្លិប Parma ក្នុងឆ្នាំ១៩៩១ នៅអាយុ១៣ឆ្នាំ ដោយដំបូងឡើយលេងនៅខ្សែបម្រើ មុនពេលសម្របខ្លួនទៅនឹងតួនាទីជាអ្នកចាំទី ដោយសារតែកម្ពស់ និងកាយវិការរបស់គាត់។ គាត់បានបង្ហាញខ្លួនជាលើកដំបូងនៅក្របខ័ណ្ឌ Serie A សម្រាប់ក្រុម Parma ក្នុងលទ្ធផលស្មើជាមួយក្រុម AC Milan ក្នុងខែវិច្ឆិកា ឆ្នាំ១៩៩៥ នៅអាយុ១៧ឆ្នាំ។
Buffon បានលេងកំណត់ត្រា៦៥៧ដងក្នុងក្របខ័ណ្ឌកំពូលរបស់អ៊ីតាលី និងជា UEFA Club Footballer of the Year ក្នុងឆ្នាំ២០០៣។ គាត់គឺជាអ្នកចាំទីដែលបង្ហាញខ្លួនបានច្រើនជាងគេគ្រប់ពេល ដោយបានលេង១៧៦ដងសម្រាប់ក្រុមជម្រើសជាតិអ៊ីតាលី។ គាត់បានចូលនិវត្តន៍ពីបាល់ទាត់អន្តរជាតិក្នុងឆ្នាំ២០១៨ បន្ទាប់ពីប្រទេសអ៊ីតាលីបានបរាជ័យក្នុងការប្រកួត World Cup ឆ្នាំ២០១៨នៅប្រទេសរុស្ស៊ី ៕
ដោយ៖ ភារៈ(រូបភាព ៖ Reuters/CNA)
