សារព័ត៌មាន នគរវត្ត តែងតែនាំមុខគេជានិច្ច
ក្លិបអ្នកមានបុណ្យ Barcelona បានតែងតាំងអតីតខ្សែបម្រើសញ្ជាតិព័រទុយហ្គាល់លោក Deco ជានាយកកីឡាថ្មីរបស់ក្លិបសម្រាប់៣រដូវកាលបន្ទាប់។ នេះបើយោងតាមការប្រកាសរបស់ក្លិបម្ចាស់ជើងឯក La Liga កាលពីថ្ងៃពុធ ទី១៦ សីហា។
បុរសវ័យ៤៥ឆ្នាំដែលបានលេងឱ្យក្លិប Barcelona នៅចន្លោះឆ្នាំ២០០៤ដល់ឆ្នាំ២០០៨ នឹងជំនួសបុរសហូឡង់ Jordi Cruyff ។ លោក Cruyffដែលជាកូនប្រុសអតីតកីឡាករឆ្នើម Johan Cruyff បានចាកចេញពីក្លិបកាលពីខែមិថុនា បន្ទាប់ពីបានដឹកនាំរយៈពេល២ឆ្នាំ។
ក្លិបអេស្ប៉ាញមួយនេះបានប្រកាសនៅក្នុងសេចក្តីថ្លែងការណ៍មួយថា “Deco នឹងទទួលបន្ទុកកំណត់ទស្សនវិស័យកីឡារបស់ Barcelona និងដាក់ក្រុមជាមួយគ្រូបង្វឹក ហើយក្លាយជាប្រធានផ្នែកបាល់ទាត់” ។
Barcelona ដែលបានឈ្នះពានរង្វាន់ La Liga លើកទី២៧ របស់ខ្លួននៅក្នុងយុទ្ធនាការចុងក្រោយបាននិយាយថា Deco និងនាយកបាល់ទាត់ Mateu Alemany នឹងធ្វើការជាមួយគ្នារហូតដល់ចុងបញ្ចប់នៃរដូវកាលបើទោះបីជាបុរសសញ្ជាតិអេស្ប៉ាញរូបនេះចាកចេញពីក្លិបជាផ្លូវការក្នុងខែមិថុនាក៏ដោយ ៕ ដោយ៖ ភារៈ
(រូបភាព ៖ BBC Sport/Reuters/CNA)
