សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម័យនេះពិបាករករបស់ធម្មជាតិសុទ្ធ គ្មានជាតិគីមីណាស់ មិនថា បន្លែផ្លែឈើ ឬអាហារនោះទេ ។
ដើម្បីរក្សាសោភ័ណភាព និងអាចទុកបានយូរ អ្នកផលិត អ្នកលក់មួយចំនួន បានច្នៃផលិតអាហារដោយបញ្ចូលនូវសារធាតុគីមីផ្សេងៗ ភ្លេចគិតដល់សុខភាពជាធំ ។
នេះជាការបញ្ជាក់លើផេកផ្លូវការ វេជ្ជបណ្ឌិត កម្ពុជា នៅថ្ងៃទី១៩ ខែសីហា ឆ្នាំ២០២៣។
អាហារខូចគុណភាព មានផ្ទុកសារធាតុគីមី ដែលយើងតែឮព័ត៌មានមន្ត្រីកាំកុងត្រូលចាប់បាន និងដុតបំផ្លាញចោលជារឿយៗ មានដូចជា ៖
១- ប្រហិត
ប្រហិតសាច់គោ សាច់ក្តាម ប្រហិតបន្លែគ្រប់មុខ Hotdog
សុទ្ធជាសឹងជាអាហារកែច្នៃ ហើយភាគច្រើននាំចូលពី
ប្រទេសជិតខាង ដែលប្រហិតទាំងនោះត្រូវគេរកឃើញ
មានដាក់សារធាតុគីមីធ្វើឲ្យស្វិត និងអាចរក្សាទុកបានយូរ។
២- ស្លាបមាន់_ជើងមាន់
ស្លាបមាន់-ជើងមាន់កសិកម្មខ្លះដែលនាំចូលពីប្រទេសជិតខាង កំពុងតែពេញនិយមក្នុងចំណោមយុវវ័យ គេយកវាទៅបំពង អាំង ធ្វើជ្រក់ជាដើម ។
តើអ្នកមានដឹងអត់ពពួកស្លាបមាន់ ជើងមាន់ទាំងនេះ ត្រូវបានគេចាក់សារធាតុគីមីម្យ៉ាងឈ្មោះថា ហ្វ័រម៉ុល ដើម្បីរក្សាទុកបានយូរ មិនស្អុយ ខូចគុណភាព នៅពេលដែលយើងញ៉ាំទៅប៉ះពាល់សុខភាពច្រើនណាស់ ។
៣- សាច់ក្រក
មិនខុសគ្នាពីពពួកអាហារទាំងប៉ុន្មានខាងលើទេ សាច់ក្រកក៏មានដាក់សារធាតុគីមីដែរ បើមិនអ៊ីចឹងទេម៉េចនឹងអាចរក្សាទុកបានយូរ រុយមិនរោមនោះ ។
៤- មឹកបង្គា
មឹក និង បង្គាខ្លះ នៅទីផ្សារបច្ចុប្បន្នក៏ប្រើសារធាតុគីមីដែរ ដើម្បីរក្សាឲ្យនៅស្រស់ល្អ ឃើញហើយចង់ទិញភ្លែត ។
៥- អាហារដែលផ្អាប់
អាហារផ្អាប់ខ្លះក៏មិនល្អចំពោះសុខភាពដែល ព្រោះអាហារប្រភេទប្រើជាតិគីមីអោយរក្សាទុកបានយូរ ។
អនាម័យនាំមកនូវសុខភាព 💝 #ការពារប្រសើរជាងព្យាបាល ៕
ដោយ ៖ សហការី
