សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ ជនសង្ស័យចំនួន០២នាក់ក្នុងចំណោម៣នាក់ត្រូវកម្លាំងអធិការដ្ឋាននគរបាលក្រុងក្រចេះធ្វេីការឃាត់ខ្លួនបញ្ជូនទៅអយ្យការអមសាលាដំបូងខេត្តក្រចេះ។
ការឃាត់ខ្លួនជនសង្ស័យពីរនាក់នោះសមត្ថកិច្ចបានធ្វើឡើងនៅវេលាម៉ោង១៥៖៣០ថ្ងៃទី២៥ ខែសីហា ឆ្នាំ២០២៣អំពីករណីប្រព្រឹត្តអំពើលួចម៉ូតូនៅចំណុចភូមិអូរយឿន ឃុំអូរកណ្ដៀរ ស្រុកអូរគ្រៀងសែនជ័យ ខេត្តក្រចេះ ។
ប្រភពពីសមត្ថកិច្ចបានឱ្យដឹងថាជនសង្ស័យទី១.ឈ្មោះ អា សាមី ភេទប្រុស អាយុ២៧ឆ្នាំ មានទីលំនៅភូមិភ្នំខៀវ ឃុំអូរកណ្ដៀរ ស្រុកអូរគ្រៀងសែនជ័យ ខេត្តក្រចេះ ។
ទី២.ឈ្មោះ ម៉ៅ សុភ័ក្រ្ដ ភេទប្រុស អាយុ៤៣ឆ្នាំ មានទីលំនៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ ។
ប្រភពបន្តថា ជនសង្ស័យបានធ្វើសកម្មភាពនៅវេលាម៉ោង១៥៖១០នាទីថ្ងៃទី២២ ខែសីហា ឆ្នាំ២០២៣ដោយសារឈ្មោះ អា សាមី បានបបួល ឈ្មោះ ម៉ៅ សុភ័ក្រ្ត និងឈ្មោះ យ៉ាល់ ដែលបានរត់គេចខខ្លួនបាត់ ខណៈដែលគេទៅលេងផ្ទះម្ដាយរបស់ខ្លួននៅចំណុចភូមិអូរយឿន ឃុំអូរកណ្ដៀរ ស្រុកអូរគ្រៀងសែនជ័យ ខេត្តក្រចេះ ដោយជិះរថយន្តរបស់ឈ្មោះ ម៉ៅ សុភ័ក្រ្ដ ម៉ាកឡិចសុីស ជីអេស៣០០ ពណ៌ខ្មៅ ពាក់ស្លាកលេខភ្នំពេញ 2J-7906 រហូតដល់វេលាម៉ោងជាង០១រំលងអធ្រាត្រឈានចូលថ្ងៃទី២៣ ខែឆ្នាំដដែល ពួកគេទាំង០៣នាក់បានត្រឡប់មកពីទីរួមខេត្តក្រចេះវិញបានឃេីញម៉ូតូចំនួន០១គ្រឿង ម៉ាក Vision (គ្មានស្លាកលេខ) ទុកចោលនៅចំហៀងផ្ទះជាប់មាត់ផ្លូវ ស្ថិតនៅក្នុងភូមិអូរយឿន ឃុំអូរកណ្ដៀរ ស្រុកអូរគ្រៀងសែនជ័យ ខេត្តក្រចេះ។
ខណៈនោះ ឈ្មោះ យ៉ាល់ បានឱ្យឈ្មោះ អា សាមី ចូលទៅលួចម៉ូតូដែលទុកចោលនោះ។ ឈ្មោះ អា សាមី ក៏បានចូលទៅលួចយកម៉ូតូនោះនិងបានជិះមកដល់ ចំណុចវត្តអូរកណ្ដៀរ ពួកខ្លួនទាំង០៣នាក់បានលេីកម៉ូតូនោះដាក់លេីគូទរថយន្តរបស់ឈ្មោះ ម៉ៅ សុភ័ក្រ្ដ និងបានយកមកលាក់ទុកនៅផ្ទះឈ្មោះ ម៉ៅ សុភ័ក្រ្ដ លាក់ទុកបានចំនួន០២ថ្ងៃ ។
រហូតមកដល់ថ្ងៃទី២៤ ខែឆ្នាំដដែល វេលាម៉ោងជាង០១រសៀល ឈ្មោះ យ៉ាល់ និង ឈ្មោះ អា សាមី បានមកយកម៉ូតូដែលលាក់ទុកនៅផ្ទះរបស់ឈ្មោះ ម៉ៅ សុភ័ក្រ្ដ ជិះទៅផឹកស៊ីនៅខារ៉ាអូខេមួយកន្លែងស្ថិតនៅភូមិកណ្តាល ឃុំឆ្លូង ស្រុកឆ្លូង ខេត្តក្រចេះ។
ក្រោយពេលផឹកស៊ីរួចអត់លុយឱ្យម្ចាស់ហាងក៏បានបញ្ចាំម៉ូតូ០១គ្រឿងម៉ាកVision នោះទៅម្ចាស់ខារ៉ាអូខេ ឈ្មោះ ផ្ទះយេីង(KTV) ស្ថិតនៅភូមិកណ្ដាល ឃុំឆ្លូង ស្រុកឆ្លូង ខេត្តក្រចេះទើបឈានដល់សមត្ថកិច្ចបង្រ្កាប។
បច្ចុប្បន្នជនសង្ស័យទាំង០២នាក់ខាងលេី កំពុងឃាត់ខ្លួននៅអធិការដ្ឋានក្រុងក្រចេះដេីម្បីចាត់ការទៅតាមនីតិវិធីច្បាប់ ៕
ដោយ ៖ ជីវ័ន្ត
