សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ លោកទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃកម្ពុជា ថ្លែងថា ប្រជាពលរដ្ឋគ្រប់ៗគ្នា អាចមានឆន្ទៈ ស្នេហាជាតិបានក្នុងការចូលរួមគ្រប់សកម្មភាពទាំងអស់ តាមរយៈការខិតខំប្រឹងប្រែងជួយខ្លួនឯង ជួយដល់ក្រុមគ្រួសារ ពីព្រោះការស្នេហាជាតិមិនចាំបាច់ទាល់តែបង្ហាញតាមរយៈការធ្វើបាតុកម្មនោះទេ។
លោកបណ្ឌិត ហ៊ុន ម៉ាណែត នាយករដ្ឋមន្ត្រី ថ្លែងបែបនេះ នៅព្រឹកនៅព្រឹកថ្ងៃទី០១ ខែកញ្ញា ឆ្នាំ២០២៣ នៅឱកាសអញ្ជើញជាអធិបតីក្នុងពិធី ចុះជួបសំណេះសំណាលជាមួយកម្មករ និយោជិត ចំនួន ១៨ ២៨៩នាក់ មកពីតាមបណ្តារោងចក្រ សហគ្រាស នៅក្រុងតាខ្មៅ ខេត្តកណ្តាល។
លោកបណ្ឌិត ហ៊ុន ម៉ាណែត ថ្លែងបន្តថា ការខិតខំប្រឹងធ្វើការដោយសុចរិតរបស់បងប្អូនប្រជាពលរដ្ឋគ្រប់ៗរូប ក្នុងការកសាងអនាគតខ្លួនឯង និងក្រុមគ្រួសារ នោះជាការស្នេហាជាតិហើយ ស្នេហាជាតិ គឺការខិតខំប្រឹងជួយខ្លួនឯង។ ទន្ទឹមនឹងរាជរដ្ឋាភិបាលបច្ចុប្បន្ន បានកំពុងផ្ដោតទៅលើគោលដៅក្នុងការស្វះស្វែងរកទីផ្សារការងារ ដើម្បីបងប្អូនប្រជាពលរដ្ឋអាចបង្កើនសមត្ថភាព និងប្រាក់ចំណូល រួមចំំណែកក្នុងការជួយអភិវឌ្ឍសេដ្ឋកិច្ចជាតិ។
នាយករដ្ឋមន្ត្រី លោកកិត្តិទេសាភិបាលបណ្ឌិត ហ៊ុន ម៉ាណែត បានលើកឡើងថា ពលរដ្ឋគ្រប់គ្នាអាចចូលរួមក្នុងសកម្មភាពស្នេហាជាតិបានទាំងអស់តាមរយៈការខិតខំប្រឹងជួយខ្លួនឯង ជួយដល់ក្រុមគ្រួសារ។ លោកថាការស្នេហាជាតិមិនចាំបាច់ទាល់តែបង្ហាញតាមរយៈការធ្វើបាតុកម្មនោះទេ។
លោកបណ្ឌិត ហ៊ុន ម៉ាណែត បានលើកឡើងថាការខិតខំប្រឹងធ្វើការរបស់ពលរដ្ឋគ្រប់រូបក្នុងការកសាងអនាគត និងក្រុមគ្រួសារនោះជាការស្នេហាជាតិហើយ។
លោកថា៖ «ស្នេហាជាតិគឺការខិតខំប្រឹងជួយខ្លួនឯង»។
លោកថារដ្ឋាភិបាលបច្ចុប្បន្នកំពុងផ្ដោតទៅលើគោលដៅក្នុងការរកការងារធ្វើឲ្យប្រជាពលរដ្ឋដើម្បីឲ្យពួកគេអាចកសាងនូវសេដ្ឋកិច្ចគ្រួសារបាន៕
ដោយ ៖ សិលា
