សារព័ត៌មាន នគរវត្ត តែងតែនាំមុខគេជានិច្ច
Marten de Roon បើកការស៊ុតបាល់បញ្ចូលទីពីចម្ងាយជាមួយនឹងគ្រាប់បាល់អន្តរជាតិដំបូងរបស់គាត់មុនពេល Gakpo បានរក១គ្រាប់ទៀតនៅតង់ទី១។ រីឯខ្សែប្រយុទ្ធ Wout Weghorst ដែលខ្ចីជើងនៅ Hoffenheim ពី Burnley បាននាំមុខ១គ្រាប់ជាគ្រាប់ទី៣ស៊ុតផុតដៃរបស់ Dumfries។
ជ័យជម្នះនេះបានធ្វើឲ្យហុល្លង់ឡើងពីលើក្រិកទៅឈរលេខ២ក្នុងពូល Bដែលមាន៦ពិន្ទុពីការប្រកួតចំនួន៣លើក ខណៈក្រុមក្រិកមាន៦ពិន្ទុដូចគ្នា ប៉ុន្តែចាញ់គ្រាប់បាល់ហុល្លង់បន្តឈរលេខ៣ក្នុងពូល។
ចំណែកក្រុមបារាំងដែលបានយកឈ្នះសាធារណរដ្ឋអៀរឡង់ ២-០ ក្នុងទីក្រុងប៉ារីស មាន៩ពិន្ទុដាច់នៅកំពូលតារាង បើទោះបីបានលេងលើសគេ២ប្រកួតទៀតក៏ដោយ។
ការប្រកួតបន្ទាប់របស់ក្រុមហុល្លង់ត្រូវប៉ះសាធារណរដ្ឋអៀរឡង់នៅថ្ងៃទី១១ កញ្ញា ខណៈដែលក្រុមក្រិកត្រូវប៉ះក្រុម Gibraltar នៅថ្ងៃជាមួយគ្នានោះដែរនៃការប្រកួតជម្រុះ យូរ៉ូ២០២៤ក្នុងពូល B។ ចំណែកបារាំងត្រូវប៉ះអាល្លឺម៉ង់នៅថ្ងៃទី១៣ ក្នុងជំនួបមិត្តភាពអន្តរជាតិ៕
ដោយ៖ ភារៈ(រូបភាព ៖ BBC Sport)
