សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់រួមទាំងនារីម្នាក់បានជិះម៉ូតូឌុបគ្នាយ៉ាងលឿនមិនប្រយ័ត្នជ្រុលទៅបុករថយន្តកូរ៉ូឡាពីក្រោយខណៈដែលរថយន្តនេះកំពុងបេីកឆ្លងផ្លូវបណ្តាលឱ្យរងការខូចខាតនិងរបួសស្រាល២នាក់។
ហេតុការណ៍នេះកេីតឡេីងកាលពីវេលាម៉ោង១១និង៣០នាទីយប់ថ្ងៃទី២៦ខែកញ្ញា ឆ្នាំ២០២៣ នៅចំណុចច្រកចូលផ្លូវចាក់សំរាមចាស់ លេីកំណាត់ផ្លូវលេខ២១៧ ស្ថិតក្នុងសង្កាត់ស្ទឹងមានជ័យទី១ ខណ្ឌមានជ័យ។
តាមប្រភពព័ត៌មានបានឱ្យដឹងថានៅមុនពេលកើតហេតុគេបានឃើញរថយន្តកូរ៉ូឡាមួយគ្រឿងពណ៌ទឹកប្រាក់ ពាក់ស្លាកលេខភ្នំពេញ2U-3632 ធ្វេីដំណើរតាមបណ្ដោយផ្លូវលេខ២១៧ ក្នុងទិសដៅពីជើងទៅត្បូង ខណៈមកដល់កន្លែងកើតហេតុក៏បានស៊ីញ៉ូបត់ឆ្វេងបំណងឆ្លងផ្លូវ តែភ្លាមនោះក៏មានម៉ូតូម៉ាកស្គូពី ពណ៌ខ្មៅ ពាក់ស្លាកលេខភ្នំពេញ1KH-5810 បើកបរដោយបុរសម្នាក់រួមដំណេីរជាមួយនារីម្នាក់ធ្វើដំណើរក្នុងល្បឿនលឿនបានជ្រុលទៅបុកគូទរថយន្តពីក្រោយយ៉ាងពេញទំហឹងបណ្ដាលឱ្យរងការខូចខាតនិងបណ្តាលឱ្យអ្នកជិះម៉ូតូរងរបួសស្រាល ។
ក្រោយពេលកើតហេតុអ្នកជិះម៉ូតូបានចេញថ្លៃសំណងទៅលើភាគីខាងរថយន្តចំនួន១០០ដុល្លារដើម្បីបញ្ចប់រឿងនៅកន្លែងកើតហេតុមិនរំខានដល់សមត្ថកិច្ចឡើយ៕
ដោយ៖សុខាសែនជ័យ
