សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយមានការអនុញ្ញាតពីលោកឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ លោកវរសេនីយ៍ឯក ហុង ពិសិដ្ឋ អធិការនគរបាលខណ្ឌកំបូល នៅថ្ងៃទី២៩ ខែកញ្ញា ឆ្នាំ២០២៣នេះ បានចាត់ឱ្យលោកវរសេនីយ៍ត្រី សុខ ពិសិដ្ឋ អធិការរង ដឹកនាំនាយប៉ុស្តិ៍ នាយរងប៉ុស្តិ៍ ផ្នែកព្រហ្មទណ្ឌ ផ្នែកប្រឆាំងគ្រឿងញៀន និងមន្ត្រីក្រោមឱវាទ និងមានការចូលរួមពី ក្រុមប្រឹក្សាសង្កាត់ និងប្រជាការពារ ដេីម្បីចុះរដ្ឋបាល ត្រួតពិនិត្យ ទីតាំងស្មុគស្មាញ នៅផ្ទះជួល ភូមិតាសេក សង្កាត់កំបូល ខណ្ឌកំបូល រាជធានីភ្នំពេញ។
ក្នុងប្រតិបត្តិការនោះ ជាលទ្ធផលត្រួតពិនិត្យបានចំនួន ០១ខ្នងផ្ទះ ១៦បន្ទប់ជួល បានជួបប្រាស្រ័យជាមួយប្រជាពលរដ្ឋចំនួន ៤៤នាក់ ស្រី ២៦នាក់ អាយុ១៨ឡេីង ៣៣នាក់ ស្រី១៧នាក់។
គួរជម្រាបដែរថា ដោយអនុវត្តតាមការណែនាំជាប្រចាំរបស់លោកឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅតាមបណ្តាអធិដ្ឋាននគរបាលខណ្ឌទាំង១៤ បានពង្រឹងអនុវត្តភារកិច្ចការងារបម្រើសាវាសាធារណៈជូនប្រជាពលរដ្ឋ ជាពិសេសសេវាលើការងារផ្តល់អត្តសញ្ញាណប័ណ្ណ សៀវភៅគ្រួសារ(ក៤) សៀវភៅស្នាក់នៅ(ក២) នៅក្នុងនោះអធិការដ្ឋាននគរបាលខណ្ឌចំនួន០៣ (អធិការដ្ឋាននគរបាលខណ្ឌដង្កោ ខណ្ឌពោធិ៍សែនជ័យ និងខណ្ឌឫស្សីកែវ) កាលពីថ្ងៃទី២៨ ខែកញ្ញាម្សិលមិញនេះ បានផ្តល់សេវាធ្វើអត្តសញ្ញាណប័ណ្ណ ចំនួន៦៣នាក់ផងដែរ៕
ដោយ៖ សហការី
