សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានឱ្យដឹងថា សូមគោរពច្បាប់ចរាចរណ៍ស្មើនឹងគោរពជីវិតខ្លួនឯង ! ខណៈករណីគ្រោះថ្នាក់ចរាចរណ៍ផ្លូវ គោកទូទាំងប្រទេសនៅថ្ងៃទី៣០ ខែកញ្ញា ឆ្នាំ២០២៣នេះ បណ្តាលឱ្យមនុស្ស ស្លាប់០៤នាក់(ស្រី២នាក់) និងរបួសធ្ងន់ស្រាល៦នាក់។
របាយការណ៍ដដែល បានបញ្ជាក់ថា ក្នុងករណីគ្រោះថ្នាក់ដែលបង្កឱ្យមានមនុស្សរបួសធ្ងន់ ៤នាក់ និងរបួសស្រាល ០២នាក់ គឺកើតឡើងដោយសារការប៉ះទង្គិចគ្នាចំនួន៦លើក មាន ៖ កត្តាល្បឿន ០២លើក, មិនគោរពសិទ្ធិ ១នាក់, មិនប្រកាន់ស្តាំ២នាក់។
គួរជម្រាបដែរថា ករណីគ្រោះថ្នាក់ចរាចរណ៍ផ្លូវគោកទូទាំងប្រទេសកាលពីថ្ងៃទី២៩ ខែកញ្ញាម្សិលមិញនេះ បណ្តាលឱ្យមនុស្ស ស្លាប់០៤នាក់(ស្រី០នាក់) និងរបួសធ្ងន់ស្រាល១២នាក់។
ក្នុងករណីគ្រោះថ្នាក់ដែលបង្កឱ្យមានមនុស្សរបួសធ្ងន់ ១០នាក់ និងរបួសស្រាល ០២នាក់ គឺកើតឡើងដោយសារការប៉ះទង្គិចគ្នាចំនួន១២លើក មាន ៖ កត្តាល្បឿន ០៣លើក, ប្រជែងគ្រោះថ្នាក់ ០១លើក, បត់/គ្រោះថ្នាក់ ០៣លើក,កត្តាផ្លូវ ០១លើក (ស្លាប់ ០១នាក់), កត្តាយាន០១លើក (ស្លាប់ ០១នាក់), មិនគោរពសិទ្ឋិ ០៣លើក (ស្លាប់ ០២នាក់), មិនពាក់មួក០៦នាក់។
ជាមួយគ្នានោះ នាយកដ្ឋាននគរបាលចរាចរណ៍ អំពាវនាវឱ្យបងប្អូនប្រជាពលរដ្ឋទាំងអស់គ្នាចូលរួមគោរពច្បាប់ចរាចរ ដេីម្បីការពារជីវិតរបស់លោកអ្នកនិងក្រុមគ្រួសារ៕
ដោយ៖សហការី
