សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នារីម្នាក់បានដេីរទៅចុះបឹងដេីម្បីកាត់ត្រកួននិងបេះកំផ្លោក តែមិនប្រយ័ត្នបានរអិលជេីងធ្លាក់ចូលទឹកដែលកំពុងហូរខ្លាំងគួចលិចទៅបាត់តាំងពីរសៀលថ្ងៃចន្ទ ទី៩ ខែតុលា ឆ្នាំ២០២៣ ស្ថិតនៅបឹងទំពុន ភូមិព្រែកតាគង់១ សង្កាត់ចាក់អង្រែលេី ខណ្ឌមានជ័យ រហូតនៅព្រឹកថ្ងៃទី១១ ខែឆ្នាំដដែលទេីបមានការភ្ញាក់ផ្អេីលជាខ្លាំង ។
បេីកតាមប្រភពពីអ្នកជិតខាងដែលស្គាល់នារីរងគ្រោះបានប្រាប់ថា ជនរងគ្រោះ មានឈ្មោះ ឡាយ ហៀង អាយុ៣២ឆ្នាំ មុខរបរ ដេីរបេះបន្លែតាមបឹងយកទៅលក់ចិញ្ចឹមជីវិត ស្នាក់នៅក្បែរកន្លែងកេីតហេតុ ។
ប្រភពដដែលបានបន្តថា នៅថ្ងៃកេីតហេតុ នារីរងគ្រោះបានដេីរទៅបឹងបំណងបេះបន្លែយកទៅលក់ដូចសព្វថ្ងៃ តែប្រហែលគាត់ដេីរមិនប្រយ័ត្នបានជាន់សសរឈេីដែលចម្លងពីផ្នែកម្ខាងទៅផ្នែកម្ខាងទៀត ក៏រអិលធ្លាក់ចូលទឹកដែលកំពុងហូរគួចខ្លាំងបណ្ដាលឱ្យលិចបាត់តែម្ដង ។ ពេលនោះក៏មានអ្នកជិតខាងបានព្យាយាមរកមេីលដែរតែមិនឃេីញនិងបានរាយការណ៍ទៅអាជ្ញាធរមូលដ្ឋានឱ្យជួយចុះពិនិត្យផងដែរ រហូតដល់ថ្ងៃពុធ ខែឆ្នាំដដែល ទេីបមានការភ្ញាក់ផ្អេីលដល់កម្លាំងជំនាញរបស់ ៩១១ ដាក់កម្លាំងជាច្រេីនចុះមកអន្តរាគមន៍ជួយរុករកសពនារីរងគ្រោះ ។
បច្ចុប្បន្ននេះ កម្លាំងជំនាញរបស់អង្គភាព៩១១ និងអាជ្ញាធរមូលដ្ឋានកំពុងស្វះស្វែងរកសពនារីរងគ្រោះនៅឡេីយនោះទេ ៕
ដោយ ៖ ភារ៉ា ដង្កោ
