សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ករណីគ្រោះថ្នាក់ចរាចរណ៍ផ្លូវគោក ទូទាំងប្រទេសនៅថ្ងៃទី១៩ ខែតុលា ឆ្នាំ២០២៣ម្សិលមិញនេះ បណ្តាលឱ្យមនុស្ស ស្លាប់ ០២នាក់ (ស្រី ០១នាក់), របួសធ្ងន់ស្រាល ០៩នាក់ (ស្រី ០៤នាក់) និងមិនពាក់មួកសុវត្ថិភាព ០៣នាក់ (យប់ ០នាក់) ។ ដូច្នេះសូមបងប្អូនប្រជាពលរដ្ឋទាំងអស់គ្នា ចូលរួមគោរពច្បាប់ចរាចរណ៍ស្មើនឹងគោរពជីវិតខ្លួនឯង!
ជាក់ស្ដែងយោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ បានគូសបញ្ជាក់ថា ក្នុងករណីគ្រោះថ្នាក់ដែលបង្កឱ្យមនុស្ស ស្លាប់ ០២នាក់ (ស្រី ០១នាក់), របួសធ្ងន់ ០៤នាក់(ស្រី ០២នាក់), និងរបួសស្រាល ០៥នាក់ (ស្រី ០២នាក់) គឺកើតឡើងដោយសារការប៉ះទង្គិចគ្នាចំនួន ០៦លើក (យប់ ០៣លើក), រួមមាន ៖ កត្តាល្បឿន ០៤លើក (ស្លាប់ ០២នាក់), និងបត់គ្រោះថ្នាក់ ០២លើក។
សូមជម្រាបថា តាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក ក៏បានបង្ហាញពីលទ្ធផលរយៈពេល១៩ថ្ងៃ គឺចាប់ពីថ្ងៃទី១-១៩ ខែតុលា ឆ្នាំ២០២៣ បានបញ្ជាក់ថា យានយន្តចូលគោលដៅចំនួន ២៣,៨០៧គ្រឿង រថយន្តធំ៣០៣គ្រឿង រថយន្តតូច៤,១៩១គ្រឿង ម៉ូតូ ១៩,៣១៣គ្រឿង ។ ក្នុងនោះរកឃើញយានយន្តល្មើសសរុបចំនួន ៥,៨៧៦គ្រឿង រថយន្តធំ៦២គ្រឿង រថយន្តតូច៨៤៨គ្រឿង ម៉ូតូ ៤,៩៦៦គ្រឿង (៤,៩៦៦ករណី) ត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេសកម្ពុជា៕
ដោយ៖ សហការី
