ចិនដកតំណែងរដ្ឋមន្ត្រីការពារជាតិ

ចែករំលែក៖

ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៤ ខែតុលានេះថា លោក Li Shangfuត្រូវបានបណ្តេញចេញពីតំណែងជារដ្ឋមន្ត្រីការពារជាតិចិន។
ដំណឹងនេះមិនបានពន្យល់ពីមូលហេតុនោះទេ ដោយគ្រាន់តែបញ្ជាក់ថា ការសម្រេចបណ្តេញលោក Li ត្រូវបានគណៈកម្មាធិការអចិន្ត្រៃយ៍នៃរដ្ឋសភាចិនអនុម័ត។
មុនព័ត៌មាននេះ លោក លី មិនបានបង្ហាញខ្លួនជាសាធារណៈចាប់តាំងពីចុងខែសីហាឆ្នាំនេះទេ នេះបើតាមកាសែត South China Morning Post។
ក្នុងរយៈពេល 3 ខែកន្លងមកនេះ មានការបណ្តេញចេញមន្ត្រីជាន់ខ្ពស់ចំនួន 2 នៅក្នុងប្រទេសចិន។ អ្នកមុនដែលបាត់មុខតំណែងគឺអតីតរដ្ឋមន្ត្រីការបរទេស កាលពីខែកក្កដាកន្លងទៅ។
ការប្រកាសដែលលោក Li Shangfu ត្រូវបានបណ្តេញចេញពីតំណែងជារដ្ឋមន្ត្រីការពារជាតិរបស់ប្រទេសចិន គឺធ្វើឡើងតែប៉ុន្មានថ្ងៃមុនពេលគណៈប្រតិភូមន្ទីរបញ្ចកោណបានទៅដល់ទីក្រុងប៉េកាំង ដើម្បីចូលរួមវេទិកាសន្តិសុខក្នុងតំបន់ ដោយបើកផ្លូវសម្រាប់កិច្ចសន្ទនាយោធាកម្រិតខ្ពស់ដែលបានជាប់គាំងជាយូរមកហើយរវាងភាគីទាំងពីរ។
លោក Ly អាយុ 65 ឆ្នាំគឺជាកម្មវត្ថុនៃការដាក់ទណ្ឌកម្មដោយរដ្ឋាភិបាលសហរដ្ឋអាមេរិកក្រោមការដឹកនាំរបស់អតីតប្រធានាធិបតី Donald Trump ក្នុង 2018 ទាក់ទងនឹងការទិញយន្តហោះចម្បាំងនិងមីស៊ីលរបស់ចិនពីរុស្ស៊ី។ មកដល់ពេលនេះ ភាគីអាមេរិកនៅមិនទាន់ដកទណ្ឌកម្មលើលោក លីនៅឡើយទេ៕ ដោយ៖ ធីរីណា