សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្នងការដ្ឋាននគរបាលរាជធានីភ្នំពេញ បានឱ្យដឹងនៅព្រឹកថ្ងៃចន្ទទី២០ ខែវិច្ឆិកា ឆ្នាំ២០២៣នេះថា៖ កម្លាំងជំនាញព្រហ្មទណ្ឌ សហការជាមួយកម្លាំងប៉ុស្ដិ៍នគរបាលរដ្ឋបាលទំនប់ទឹក នៃអធិការដ្ឋាននគរបាលខណ្ឌបឹងកេងកង កាលពីរសៀលម្សិលមិញនេះ បានចុះស្រាវជ្រាវ និងឃាត់ខ្លួនជនសង្ស័យម្នាក់ ពីបទឆក់ទូរស័ព្ទដៃ នៅចំណុចមុខមន្ទីរពេទ្យហុងអុិន ផ្លូវព្រះមុន្នីរ៉េត សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
ជនសង្ស័យឈ្មោះ ហ៊ុន លីណា ភេទប្រុស ជនជាតិខ្មែរ ទីលំនៅផ្ទះលេខ១១១ ផ្លូវBT សង្កាត់ស្ទឹងមានជ័យ២ ខណ្ឌមានជ័យ មុខរបរ មិនពិតប្រាកដ។
វត្ថតាងចាប់យករួមមាន៖ ម៉ូតូម៉ាកSUZUKI NEX ពណ៌ក្រហម-ស ស៊េរីឆ្នាំ២០២៣ ពាក់ផ្លាកលេខ ភ្នំពេញ 1KD-7746 របស់ជនសង្ស័យ, ទូរស័ព្ទដៃម៉ាកIPhone 12Pro Max ពណ៌ទឹកមាស ជារបស់ជនរងគ្រោ។ បន្ទាប់មកសមត្ថកិច្ចបានប្រគល់ជូនរងគ្រោះវិញតាមការស្នើសុំ។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការបន្តតាមនីតិវិធី៕
ដោយ៖សហការី
