សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ មនុស្សប្រុសស្រី៦នាក់បានស្លាប់នៅកន្លែងកើតហេតុ និងជាង ១០នាក់បានរងរបួស ព្រោះតែរថយន្តមួយគ្រឿងបានបើកធ្លាក់ចំណោទផ្លូវនៅភ្នំគូលែន ខេត្តសៀមរាប។ហេតុការណ៍ដ៏រន្ធត់នេះ កេីតឡេីង នៅរសៀលថ្ងៃទី២៧ ខែវិច្ឆិកា ឆ្នាំ២០២៣។
បេីតាមការបញ្ជាក់ពីអធិការស្រុកស្វាយលើ លោក យឹប យ៉ុងឈាង បានប្រាប់ឱ្យដឹងនៅវេលាម៉ោង ៤រសៀលថ្ងៃទី២៧ ខែវិច្ឆិកា ឆ្នាំ២០២៣នេះថា មានករណីរថយន្តមួយគ្រឿងរបស់ក្រុមឆៃយ៉ាំ ដែលមកបុណ្យកឋិននៅវត្តលើភ្នំគូលែន បានធ្លាក់ចេញពីផ្លូវដែលមានចំណោទខ្លាំង បណ្តាលឲ្យមានមនុស្សស្លាប់និងរបួសជាច្រើននាក់។ ក្នុងនោះជនរងគ្រោះ ប្រុសចំនួន ៤នាក់ និង ស្រី ចំនួន ២នាក់ ស្លាប់ (សរុបចំនួន ៦នាក់)។
លោកអធិការស្រុក បន្តថា មានមនុស្សស្លាប់នៅនឹងកន្លែង៦នាក់ ក្នុងនោះស្រី២នាក់ ចំណែកអ្នករងរបួសធ្ងន់មានប្រមាណជាង១០នាក់។ ប៉ុន្តែលោកអធិការស្រុក មិនបានបញ្ជាក់ឱ្យដឹងច្បាស់អំពីមូលហេតុនៃការធ្លាក់ផ្លូវនោះទេ ដោយលោកប្រាប់ថា កំពុងរវល់ជួយអន្តរាគមន៍ដឹកជញ្ជូនអ្នករងគ្រោះទៅកាន់មន្ទីរពេទ្យ ដើម្បីសង្គ្រោះជីវិតពួកគេ៕
ដោយ៖ សហការី
