សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការទូទៅលោក Roberto De Zerbi បាននិយាយថា ខ្សែប្រយុទ្ធ Brighton & Hove Albion កីឡាករ Ansu Fati និងខ្សែការពារ Tariq Lamptey នឹងត្រូវអវត្តមានក្នុងរយៈពេលដ៏សំខាន់មួយ បន្ទាប់ពីរងរបួសនៅចុងសប្តាហ៍។
Lamptey និង Fati បានរងរបួសក្នុងតង់ទី១នៃជ័យជម្នះ ៣–២ របស់ Brighton នៅ Nottingham Forest កាលពីថ្ងៃសៅរ៍ នៅពេលដែលពួកគេបានបញ្ចប់ការប្រកួតដែលមិនឈ្នះ៦ប្រកួតក្នុង Premier League។
Brighton ដែលបានប្រកួតឈ្នះក្រុម AEK Athens ក្នុងក្របខ័ណ្ឌ Europa League កាលពីថ្ងៃព្រហស្បត្តិ៍នោះ បានជួបបញ្ហាជាមួយនឹងកីឡាករសំខាន់ៗមួយចំនួនដែលអវត្តមានក្នុងនោះរួមមាន Kaoru Mitoma, Danny Welbeck, Solly March និង Julio Enciso។
បុរសសញ្ជាតិអ៊ីតាលី De Zebri បានប្រាប់អ្នកយកព័ត៌មានថា “Fati និង Lamptey ទាំងពីរនាក់បានរងរបួស។ យើងបានបាត់បង់ពួកគេជាយូរមកហើយខ្ញុំគិតថា”។
Brighton ស្ថិតនៅលេខ២ក្នុងពូល B មាន១០ពិន្ទុពីការប្រកួតចំនួន៥ពិន្ទុតាមពីក្រោយក្រុមកំពូលតារាង Marseille។ ពួកគេបានចាញ់ AEK ក្នុងការបើកយុទ្ធនាការរបស់ពួកគេ ប៉ុន្តែមានឱកាសឡើងទៅវគ្គបន្តក្រោយឈ្នះកាលពីម្សិលមិញ។
បញ្ជីរបួសវែងធ្វើឱ្យការងាររបស់ពួកគេកាន់តែពិបាក ប៉ុន្តែលោក De Zebri បាននិយាយថា ពួកគេត្រូវតែផ្តោតលើកីឡាករដែលសម។ លោកបានបន្ថែមថា “យើងនឹងត្រូវប្រកួតប្រជែង ខ្ញុំមិនដឹងថាតើយើងនឹងឈ្នះទេ ប៉ុន្តែយើងនឹងតស៊ូដើម្បីឈ្នះការប្រកួតឱ្យប្រាកដ” ៕
ដោយ៖ ភារៈ(រូបភាព ៖ CNA/Reuters)
