សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់ក្នុងចំណោមជាច្រើននាក់ត្រូវកម្លាំងនគរបាលខណ្ឌឫស្សីកែវឃាត់ខ្លួន ក្រោយធ្វើសកម្មភាពជាក់ស្តែងលួចម៉ូតូ បានសម្រេចតែរត់មិនរួចនៅថ្ងៃទី០២ ខែធ្នូ ឆ្នាំ២០២៣ វេលាម៉ោង២១និង០០នាទីនៅចំណុចក្រុម៧ ផ្លូវបេតុង ភូមិចុងខ្សាច់ សង្កាត់ទួលសង្កែ១ ខណ្ឌឫស្សីកែវ ។
ជនរងគ្រោះឈ្មោះ ពៅ សុភ័ក្រ្ត ភេទប្រុស អាយុ៤៣ឆាំ្ន មុខរបររត់ម៉ូតូឌុប មានទីលំនៅបន្ទប់ជួលកន្លែងកើតហេតុខាងលើ។
ជនសង្ស័យឈ្មោះ សុខ ភ័ក្រ្ត ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅម្តុំវត្តនាគវ័ន សង្កាត់បឹងកក់២ ខណ្ឌទួលគោក រាជធានីភ្នំពេញ (មានសារធាតុញៀន) ឃាត់ខ្លួន ។
*សម្ភារៈដកហូតរួមមាន៖
-សោខ្សៀរលេខ៨ចំនួន០១
-ដែកសំប៉ែតចុងស្រួចចំនួន០១ ។
-ម៉ូតូ០១គ្រឿងម៉ាកហុងដាឌ្រីមC125 ពណ៌ខ្មៅ ពាក់សា្លកលេខកំពង់ស្ពឺ1C.0492 ( របស់ជនរងគ្រោះ )បានប្រគល់ជូនមា្ចស់វិញ ។
ដោយមានការដឹកនាំបង្រ្កាបពីលោក ផល មេសា អធិការរងទទួលផែនព្រហ្មទណ្ឌខណ្ឌឬស្សីកែវ មុនពេលកើតហេតុនៅថ្ងៃខែឆ្នាំខាងលើ ជនរងគ្រោះបានទុកម៉ូតូមុខបន្ទប់ជួល ក្រោយមកស្រាប់តែមានជនសង្ស័យ០១នាក់ដើរមកធ្វើសកម្មភាពលួចឆ្កឹះសោម៉ូតូបានសម្រេច ហើយក៏ជិះម៉ូតូរត់គេចខ្លួន តែត្រូវជនរងគ្រោះឃើញទាន់ស្រែកថាចោរៗផ្អើលឆោឡោដល់អ្នកជិតខាងនិងកម្លាំងសមត្ថកិច្ចជួយដេញឃាត់ជនសង្ស័យបាននាំយកមកប៉ុសិ៍ដើម្បីចាត់ការតាមនីតិវិធី ៕
ដោយ៖ ជីណា
