សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ ដោយមានការណែនាំ និងចង្អុលបង្ហាញ ពីសំណាក់ លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាអនុប្រធាន សមាគមគណៈយុទ្ធមិត្តកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាឆ្នាំ១៩៧៨ ។ នាព្រឹកថ្ងៃទី០៦ ខែធ្នូ ឆ្នាំ២០២៣ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំប្រតិភូក្រុមការងារចុះសួរសុខទុក្ខ លោកវរសេនីយ៍ទោ ស៊ិន រ៉ង គណៈយុទ្ធមិត្តកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាឆ្នាំ១៩៧៨ កំពុងសម្រាកព្យាបាលជំងឺ (ថ្លើម) នៅមន្ទីរពេទ្យបង្អែកខេត្តកំពង់ស្ពឺ ។
ក្នុងឱកាសចុះសួរសុខទុក្ខនេះផងដែរ លោកឧត្តមសេនីយ៍ត្រី មេបញ្ជាការ កងរាវុធហត្ថខេត្តកំពង់ស្ពឺ ពាំនាំនៅការផ្ដាំផ្ញើសួរសុខទុក្ខ ពីសំណាក់ លោក នាយឧត្តមសេនីយ៍ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងជាអនុប្រធានសមាគមគណៈយុទ្ធមិត្តកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាឆ្នាំ១៩៧៨ ។ ដែលបាននាំនៅអំណោយដ៏ថ្លៃថ្លារបស់ សម្ដេចតេជោ ហ៊ុន សែន ប្រធានកិត្តិយសគណៈយុទ្ធកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាឆ្នាំ ១៩៧៨ មានដូចខាងក្រោម៖
– ថវិកា ចំនួន ១,០០០,០០០ រៀល
– អង្ករ ចំនួន ០៤ បាវ
– ទឹកបរិសុទ្ធ ចំនួន ០៤ កេស
– មីម៉ាម៉ា ចំនួន ០៤ កេស
– ទឹកក្រូច ចំនួន ០២ កេស ៕
ដោយ ៖ សហការី
