សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមយុវជនសម្ព័ន្ធជជែកពិភាក្សាកម្ពុជា CDLO បានឱ្យដឹងថា សម្ព័ន្ធជជែកពិភាក្សាកម្ពុជា ត្រូវបានបង្កើតឡើងដោយក្រុមយុវជន ដែលជាសិស្សវិទ្យាល័យ និងជាអ្នកជជែកដេញដោលកម្ពុជា។ សម្ព័ន្ធនេះបង្កើតឡើងដោយយុវជន និងធ្វើឡើងដើម្បីយុវជន។
ការជជែកដេញដោលនៅក្នុងប្រទេសកម្ពុជា ក៏មិនទាន់សូវល្បីនៅឡើយទេ។ ជារឿយៗ មនុស្សមួយចំនួននិយាយថា ឱកាសគឺកម្រណាស់។ ទោះយ៉ាងណាក៏ដោយ នៅពេលដែលមានឱកាសមួយកើតឡើង សិស្សសាលាមិនអាចចូលទៅយកវាបាន ឬកពួកគេមិនទុកចិត្តលើខ្លួនឯងក្នុងការបោះជំហានទៅចាប់វាបានដែរ ដូច្នេះហើយទើបសម្ព័ន្ធរបស់យើងត្រូវបានបង្កើតឡើង។ ខណៈពួកគេគឺជាក្រុមយុវជន មិនរកប្រាក់ចំណេញ និងមិនមែនរដ្ឋាភិបាលនោះទេ។ ដូច្នេះហើយ ចំណូលទាំងអស់គឺយកទៅជួយក្រុមជម្រើសជាតិកម្ពុជា និងបរិច្ចាគដល់អង្គការសប្បុរសធម៌នៅកម្ពុជា។ ជាការពិតណាស់ ពួកគេធ្វើនេះចេញពីការដាក់គោលដៅនិងមានចំណង់ចំណូលចិត្ត រួមគ្នា និងឱកាស។ ក្រុមយុវជនទាំងអស់ គឺមានគោលបំណងចូលរួមចំណែកជួយសហគមន៍ជជែកដេញដោលរបស់កម្ពុជាឱ្យរីកចម្រើនជាងពេលណាៗទាំងអស់!
តើ CDLO ជាអ្វី? វាគឺជាការប្រកួតប្រជែងដំបូងរបស់ CDLO (Cambodian Debate League – Open) នឹងបើករដូវកាលដំបូងនៃជំពូកទីមួយរបស់ពួកគេក្នុងខែធ្នូនេះ។ ដោយការប្រកួតប្រជែងនេះត្រូវបានរៀបចំឡើងជាលក្ខណៈមិត្តភាពដំបូងសិន ហើយនឹងជ្រើសរើសចៅក្រមនៅក្នុងវិស័យជជែកដេញដោលនៅកម្ពុជា រួមទាំងអ្នកដែលបានបង្ហាញជំនាញរបស់ពួកគេជាអន្តរជាតិផងដែរ។ ក្នុងការធ្វើដូច្នេះ ក្រុមយុវជនទាំងអស់គ្នា ផ្តោតលើការកសាងគុណភាពយុវជនខ្មែរ ឱ្យមានប្រសិទ្ធភាព និងភាពជឿជាក់។
ក្រុមយុវជនសម្ព័ន្ធតស៊ូមតិ បានឱ្យដឹងទៀតថា ការប្រកួតនេះនឹងរីកការប្រកួតប្រជែងនេះត្រូវបានរៀបចំឡើងពេញមួយសប្តាហ៏និងពីរថ្ងៃ។ វានឹងមាន ៣ជុំបឋមដែលជាវគ្គចាញ់ធ្លាក់ភ្លាម។ ក្រុមដែលលេចធ្លោជាងគេចំនួន ៨ ក្រុមនឹងបំបែកខ្លួនដើម្បីប្រកួតប្រជែងជុំចុងក្រោយ វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រដ៏ធំ។ ការប្រកួតប្រជែងនឹងត្រូវបានបំបែកតាមប្រធានបទផ្សេងៗគ្នា ដើម្បីលើកទឹកចិត្តអ្នកជជែកដេញដោលឱ្យស្រាវជ្រាវប្រកបដោយប្រសិទ្ធភាព និងពង្រីកចំណេះដឹងរបស់ពួកគេលើប្រធានបទផ្សេងៗគ្នា។
យុវជនរូបនេះ បានបញ្ជាក់ថា សម្ព័ន្ធនេះបង្កើតឡើងដោយយុវជន និងធ្វើឡើងដើម្បីយុវជន បម្រាប់ការជជែកដេញដោល ឬការតស៊ូមតិ ជាភាសាអង់គ្លេស ចង់ដឹងពីសមត្ថភាពរបស់យុវជនកម្ពុជាយេីង និងស្វែងរកមូលនិធិសប្បុរសធម៌ ក្នុងការជួយដល់ប្រាក់ឧបត្ថម្ភទៅឱ្យក្រុមជម្រេីសជាតិកម្ពុជា ដែលពួកគាត់និងទៅប្រកួតប្រជែងនៅប្រទេសSerbia នាឆ្នាំក្រោយនេះ ចំណែកថវិកាដែលនៅសល់ពួកគាត់និងយកទៅបរិច្ចាគឱ្យក្មេងកុមារកំព្រា ឫក៏បរិច្ចោគទៅមន្ទីរពេទ្យគន្ធបុប្ផា។
យុវជនរូបនោះ បន្តថា សម្រាប់យុវជនដែលមានបំណងចង់ចូលរួមប្រកួតប្រជែងការតស៊ូមតិ គឺអាចចូលរួមបានដោយតំរូវឱ្យទិញពាក្យក្នុងម្នាក់ តម្លៃ ១៥$ ដោយឡែកមនុស្សចំនួនក្រុម ក្នុងតម្លៃ៤៥$។ សម្រាប់កាលបរិច្ឆេទ៖ ថ្ងៃទី ២-៣ ខែធ្នូ ឆ្នាំ២០២៣នេះ សម្រាប់ទម្រង់៖ សភាអាស៊ី (សុន្ទរកថាស្ថាបនា ៧នាទី ការឆ្លើយតប ៤នាទី) ចំពោះទីតាំងសម្រាប់ប្រកួតនោះ គឺនៅសាកលវិទ្យាល័យអាមេរិកាំងភ្នំពេញ ហៅកាត់ថា (AUPP) American University of Phnom Penh។
ទោះបីជាប្រកួតប្រជែងរបស់ពួកគេមានលក្ខណៈបើកចំហក៏ដោយ តែសិទ្ធិចូលរួមការប្រកួតត្រូវគោរពតាមគោលមួយចំនួនផងដែរ។ ដើម្បីមានសិទ្ធិចូលរួមប្រកួតប្រជែង អ្នកចូលរួមត្រូវតែមាន៖ យ៉ាងហោចណាស់ ១៣ឆ្នាំ ឬលើសពីនេះ ត្រូវតែនៅក្នុងសាលា (មធ្យមសិក្សា វិទ្យាល័យ និង/ឬនិស្សិតសាកលវិទ្យាល័យ) ត្រូវតែប្តេជ្ញាចិត្តចំពោះការប្រកួតប្រជែង។ ជាជនជាតិខ្មែរ ឬជាអ្នករស់នៅក្នុងប្រទេសកម្ពុជា។
នៅចុងបញ្ចប់នៃការប្រកួត អ្នកឈ្នះច្រើនជាងគេនឹងឈ្នះរង្វាន់ និងវិញ្ញាបនបត្រទទួលស្គាល់ផងដែរ៕
ដោយ៖ សហការី
