សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅថ្ងៃទី០៧ ខែធ្នូ ឆ្នាំ២០២៣ លោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានអញ្ជើញចូលរួមធ្វើជាអធិបតីភាពនៅក្នុងកម្មវិធី បាឋកថា របស់ឯកលោក GEORGE YEO អតីតរដ្ឋមន្ត្រីក្រសួងការបរទេសនៃសាធារណរដ្ឋសឹង្ហបុរី ក្រោមប្រធានបទស្តីអំពី៖ “ Threats and opportunities for small countries in a Multipolar World” ដែលរៀបចំឡើងដោយវិទ្យាស្ថានសិក្សាអន្តរជាតិ និង គោលនយោបាយសាធារណៈ នៅឯមជ្ឈមណ្ឌលសហប្រតិបត្តិការកម្ពុជា-ជប៉ុន នៃ សាកលវិទ្យាល័យភូមិន្ទភ្នំពេញ។ កម្មវិធីបាឋកថា របស់ឯកឧត្តម GEORGE YEO អតីតរដ្ឋមន្ត្រីក្រសួងការបរទេសនៃសាធារណរដ្ឋសឹង្ហបុរី នេះដែរ ក៏មានការអញ្ជើញចូលរួមពីសំណាក់ថ្នាក់ដឹកនាំក្រសួងស្ថាប័នពាក់ព័ន្ធនានា រួមទាំងសាស្ត្រាចារ្យ និស្សិត មកពីសាកលវិទ្យាល័យភូមិន្ទភ្នំពេញជាច្រើននាក់ផងដែរ៕
ដោយ៖ សហការី
