សារព័ត៌មាន នគរវត្ត តែងតែនាំមុខគេជានិច្ច
ហេតុការណ៍នេះបានកើតឡើងនៅលើជើងហោះហើររបស់ក្រុមហ៊ុនអាកាសចរណ៍ Air Algerie ពីទីក្រុង Oran ប្រទេសអាល់ហ្សេរី ទៅកាន់អាកាសយានដ្ឋាន Orly ក្នុងទីក្រុងប៉ារីស ប្រទេសបារាំង កាលពីព្រឹកថ្ងៃទី២៨ ខែធ្នូ។
កាលពីថ្ងៃទី 28 ខែធ្នូ មន្ត្រីបារាំងបានប្រកាសថា យុវជនម្នាក់អាយុជាង 20 ឆ្នាំត្រូវបានគេរកឃើញលាក់ខ្លួននៅក្នុងបន្ទប់ឧបករណ៍ចុះចត(បន្ទប់កង់យន្តហោះ) ក្នុងស្ថានភាពមានការថយចុះកម្តៅខ្លាំង ប៉ុន្តែនៅតែមានសំណាងនៅមានជីវិត។
យោងតាមរដ្ឋអាជ្ញាបារាំង ឧបទ្ទវហេតុនេះបានកើតឡើងនៅលើជើងហោះហើរ Air Algerie ពីទីក្រុង Oran ប្រទេសអាល់ហ្សេរី ទៅកាន់អាកាសយានដ្ឋាន Orly ក្នុងរដ្ឋធានីប៉ារីសរបស់ប្រទេសបារាំងកាលពីព្រឹកថ្ងៃទី 28 ខែធ្នូ។
យុវជនខាងលើត្រូវបានគេប្រទះឃើញនៅពេលដែលបុគ្គលិកធ្វើការត្រួតពិនិត្យបច្ចេកទេសនៅលើយន្តហោះ។ ជននេះមិនបាននាំមកនូវឯកសារអត្តសញ្ញាណទេ ហើយស្ថិតក្នុងស្ថានភាពរាងកាយចុះកម្តៅខ្លាំង ប៉ុន្តែសំណាងល្អនៅមានជីវិត ។ យុវជនរូបនេះត្រូវបានបញ្ជូនទៅកាន់មន្ទីរពេទ្យសង្គ្រោះបន្ទាន់។
យន្តហោះពាណិជ្ជកម្មហោះហើរក្នុងរយៈកម្ពស់ពី 9,000-12,000m ដែលជារឿយៗសីតុណ្ហភាពធ្លាក់ចុះដល់ប្រហែល -50 អង្សាសេ។ កង្វះអុកស៊ីសែនធ្វើឱ្យនរណាម្នាក់នៅក្នុងបន្ទប់ចុះចតមានការលំបាកក្នុងការរស់រានមានជីវិត ដោយសារបន្ទប់នេះមិនមានកំដៅ ឬសម្ពាធ។
យោងតាមទិន្នន័យពីអាជ្ញាធរអាកាសចរណ៍ស៊ីវិលអាមេរិក (FAA) ចន្លោះឆ្នាំ 1947 ដល់ឆ្នាំ 2021 មានករណីលាក់ខ្លួនចំនួន 132 ករណីនៅក្នុងបន្ទប់ចុះចតនៃយន្តហោះពាណិជ្ជកម្ម។ FAA និយាយថា អត្រាស្លាប់សម្រាប់អ្នកធ្វើដំណើរតាមផ្លូវនេះគឺ 77% ។
នៅក្នុងខែមេសាឆ្នាំនេះ សាកសពបុរសម្នាក់ត្រូវបានគេរកឃើញនៅក្នុងបន្ទប់ដាក់ឧបករណ៍ចុះចតនៃយន្តហោះនៅឯអាកាសយានដ្ឋាន Amsterdam (ប្រទេសហូឡង់) ដែលកាលពីមុនបានហោះចេញពីប្រទេសនីហ្សេរីយ៉ា៕
ដោយ៖ ធីរីណា(រូបថត៖ Vietnamplus)
