សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ អភិបាលខណ្ឌមានជ័យ លោក សេង គន្ធ ដែលទេីបនឹងឡេីងកាន់តំណែងជាអភិបាលខណ្ឌថ្មីៗនេះ បានដឹកនាំកម្លាំងចម្រុះ នៃគណៈបញ្ចាការឯកភាពខណ្ឌមានជ័យ ឆ្មក់ចុះបង្ក្រាបល្បែងហ្គេមអនឡាញមួយកន្លែងស្ថិតនៅភូមិទ្រា២ សង្កាត់ស្ទឹងមានជ័យ១ ខណ្ឌមានជ័យ នាព្រឹកថ្ងៃទី៣១ ខែធ្នូ ឆ្នាំ២០២៣ ដោយឃាត់ខ្លួនមនុស្សប្រុសស្រី១១នាក់ (ស្រី២នាក់ ) ដកហូតកុំព្យូទ័រ ១១គ្រឿង និងវត្ថុតាងមួយចំនួន ។
ក្នុងប្រតិបត្តិការនេះ បន្ទាប់ពីប្រជាពលរដ្ឋ ក៏ដូចជាបណ្ដាញព័ត៌មានជាច្រេីនធ្វេីការផ្សព្វផ្សាយទីតាំងនេះរួច លោកអភិបាលខណ្ឌមានជ័យ បានរៀបចំកម្លាំងជំនាញដេីម្បីធ្វេីការឆ្មក់បង្ក្រាបតែម្ដង រហូតទទួលបានជោគជ័យ ដោយឃាត់ខ្លួនអ្នកពាក់ព័ន្ធចំនួន១១នាក់ (ស្រី២នាក់) កុំព្យូទ័រ ១១គ្រឿងព្រមទាំងវត្ថុតាងមួយចំនួនធំផងដែរ ។
ក្រោយពីកម្លាំងជំនាញធ្វេីការបង្ក្រាបរួចរាល់ ទីតាំងខាងលេីត្រូវបានបិទទ្វារជាបណ្ដោះអាសន្ន រីឯមនុស្សចំនួន១១នាក់ និងវត្ថុតាងទាំងប៉ុន្មានដែលដកហូតបាន ត្រូវបានបញ្ចូនទៅកាន់អធិការដ្ឋាននគរបាលខណ្ឌមានជ័យ ដេីម្បីចាត់ការបន្តតាមនីតិវិធី ៕
ដោយ ៖ ភារ៉ា ដង្កោ
