សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អគ្គស្នងការដ្ឋាននគរបាលជាតិ នៅយប់ថ្ងៃទី៣១ ខែធ្នូ ឆ្នាំ២០២៣នេះ បានឱ្យដឹងថា គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈជនសង្ស័យចំនួន ២៧ នាក់(ស្រី ៥នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៣ករណី ទូទាំងប្រទេសកម្ពុជានាថ្ងៃទី៣១ ធ្នូនេះ។
ប្រភពដដែលបន្តថា ក្នុងចំណោមជនសង្ស័យចំនួន ២៧នាក់ រួមមាន៖ ជួញដូរ ២ករណី ឃាត់ ៥នាក់(ស្រី ២នាក់) ,ដឹកជញ្ជូន រក្សាទុក ៧ករណី ឃាត់ ១៤នាក់(ស្រី ៣នាក់), ចាត់ចែង សម្រួល ១ករណី ឃាត់ ៤នាក់(ស្រី ០នាក់) និងប្រើប្រាស់ ៣ករណី ឃាត់ ៤នាក់(ស្រី ០នាក់)។
ចំណែកវត្ថុតាងដែលចាប់យកសរុបក្នុងថ្ងៃទី៣១ ខែធ្នូ រួមមាន៖
*មេតំហ្វេតាមីន ម៉ាទឹកកក(Ice) ស្មេីនិង ១២៣៦,៥៩ក្រាម និង៦កញ្ចប់តូច។ មេតំហ្វេតាមីន(Wy) ស្មេីនិង ៣៥៤,៦១ក្រាម។
*កេតាមីន(Ke) ស្មេីនិង ៩៦៧,១១ក្រាម។
*អុិចស្តាសុី(mdma) ស្មេីនិង៣៧៨,១២ក្រាម និងកញ្ឆា ស្មេីនិង ២៧,៩៦ក្រាម។
ក្នុងប្រតិបត្តិការនោះជាលទ្ធផលខាងលើ ៨អង្គភាពបានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ ៦អង្គភាព
១ / បន្ទាយមានជ័យ៖ រក្សាទុក ១ករណី ឃាត់ ១នាក់ ប្រើប្រាស់ ១ករណី ឃាត់ ៤នាក់ ចាប់យកIce ៣កញ្ចប់តូច និងWy ០,០៩ក្រាម។
២ / ក្រចេះ៖ រក្សាទុក ១ករណី ឃាត់ ២នាក់ ចាប់យកIce ១កញ្ចប់តូច។
៣ / រាជធានីភ្នំពេញ៖ ប្រើប្រាស់ ១ករណី ឃាត់ ១នាក់។
៤ / ព្រះសីហនុ៖ ជួញដូរ ១ករណី ឃាត់ ១នាក់ រក្សាទុក ២ករណី ឃាត់ ៥នាក់ ស្រី ១នាក់ ចាប់យកIce ៦៥៣,៤៨ក្រាម, Wy ៣៥៤,៥២ក្រាម, Ke ៩១០,០១ក្រាម , MDMA ៣៦៦,៨២ក្រាម និងកញ្ឆា ២៧,៩៦ក្រាម។
៥ / ស្វាយរៀង៖ រក្សាទុក ១ករណី ឃាត់ ៣នាក់ ស្រី ១នាក់ ប្រើប្រាស់ ២ករណី ឃាត់ ៣នាក់ ចាប់យកIce ២កញ្ចប់តូច។
៦ / កែប៖ រក្សាទុក ១ករណី ឃាត់ ១នាក់ ចាប់យកIce ១២,០៥ក្រាម។
កម្លាំងកងរាជអាវុធហត្ថខេត្ត ២អង្គភាព
១ / ព្រះសីហនុ៖ រក្សាទុក ១ករណី ឃាត់ ២នាក់ ស្រី ១នាក់ ចាប់យកIce ២,៥៦ក្រាម។
២ / ស្វាយរៀង៖ ជួញដូរ ១ករណី ឃាត់ ៤នាក់ ស្រី ២នាក់ ចាប់យកIce ៥៦៨,៥០ក្រាម, Ke ៥៧,១០ក្រាម និងMDMA ១១,៣០ក្រាម៕
ដោយ៖ស តារា
