សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ត្រូវបានម៉ូតូមួយគ្រឿងបេីកបុកពេញទំហឹងបណ្ដាលឱ្យដួលបោកក្បាលស្លាប់ភ្លាមៗនៅនឹងកន្លែងកើតហេតុកាលពីវេលាម៉ោង០១ និង៣២នាទីរំលងអធ្រាត្រ ឈានចូលថ្ងៃទី១ ខែមករា ឆ្នាំ២០២៤ នៅតាមបណ្ដោយផ្លូវជាតិលេខ៦ត្រង់ចំណុចស្ពានទី៣ ភូមិខួរ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
សមត្ថកិច្ចបានឱ្យដឹងថា ជនរងគ្រោះដែលស្លាប់មាន ឈ្មោះ ចន សុភាស់ ភេទប្រុស អាយុ ២៦ ឆ្នាំ ។
ក្នុងករណីនេះ សមត្ថកិច្ចបានបញ្ចាក់ថា អ្នកបើកបរម៉ូតូក្នុងល្បឿនលឿនពីទិសដៅខាងជើងទៅត្បូង ចំណែកអ្នកថ្មើរជើងដើរឆ្លងផ្លូវ ពេលមកដល់កន្លែងកើតហេតុអ្នកបើកបរម៉ូតូក៏ជ្រុលទៅបុកអ្នកថ្មើរជើងស្លាប់នៅនឹងកន្លែងតែម្តង រួចបានរត់គេចខ្លួនបាត់។ ក្រោយមកកម្លាំងជំនាញចរាចរណ៍នៃអធិការដ្ឋាននគរបាលខណ្ឌជ្រោយចង្វា បានចុះទៅដល់កន្លែងកើតហេតុធ្វើការវាស់វែងនិងសម្រួលចរាចរណ៍ ខណៈសពជនរងគ្រោះក៏បានធ្វេីកំណត់ហេតុប្រគល់ជូនក្រុមគ្រួសារធ្វើបុណ្យតាមប្រពៃណី ៕
ដោយ ៖ ភារ៉ា ដង្កោ
