សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានថ្លែងថា កម្លាំងសមត្ថកិច្ចទូទាំងប្រទេស បានដាក់គោលដៅត្រួតពិនិត្យ និងផាកពិន័យ យានយន្តសរុបចំនួន ០៤គ្រឿងទៀត កាលពីថ្ងៃទី០១ ខែមករា ឆ្នាំ២០២៤ម្សិលមិញនេះ ក្នុងនោះមានម៉ូតូ ០២គ្រឿង និងរថយន្ត ០២គ្រឿង។
លោកឧត្តមសេនីយ៍ឯក ឆាយ គឹមខឿន បានគូសបញ្ជាក់ថា សម្រាប់ថ្ងៃទី០១ ខែមករា ឆ្នាំ២០២៤ កម្លាំងនគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ០៤គ្រឿង ក្នុងនោះមានម៉ូតូ ០២គ្រឿង និងរថយន្តគ្រប់ប្រភេទ ០២គ្រឿង។
បទល្មើសដែលត្រូវបានកត់សម្គាល់សម្រាប់ម៉ូតូរួមមាន៖ មួកបើកបរក្រោមសារធាតុញៀនជាដើម។ ដោយឡែករថយន្តរួមមាន៖ ល្មើសល្បឿនជាដើម។
ជាមួយគ្នានេះ លោកអ្នកនាំពាក្យ បានថ្លែងអំណរគុណ និងកោតសរសើរដល់ជនរួមជាតិជាអ្នកប្រើប្រាស់ផ្លូវទាំងអស់ ដែលបានចូលរួមគោរពច្បាប់ចរាចរណ៍យ៉ាងល្អប្រសើររយៈពេលកន្លងមកនេះ ជាពិសេសកោតសរសើរ និងអរគុណដល់នគរបាលចរាចរណ៍ដែលបានលះបង់ និងខិតខំប្រឹងប្រែងជំរុញការរឹតបន្តឹងចរាចរណ៍ប្រកបដោយស្មារតី ទទួលខុសត្រូវខ្ពស់បំផុត។
គួរបញ្ជាក់ដែរថា សម្រាប់ថ្ងៃទី០១ ខែមករា ឆ្នាំ២០២៤ម្សិលមិញនេះដែរ ករណីគ្រោះថ្នាក់ចរាចរណ៍នៅទូទាំងប្រទេសកម្ពុជាក៏បានកើតឡើងចំនួន ១៨លើក ក្នុងនោះអ្នកស្លាប់ចំនួន ០៩នាក់ របួសចំនួន ២៤នាក់ (របួសធ្ងន់ចំនួន ១២នាក់)។ រយៈពេល ០១ថ្ងៃមានករណីគ្រោះថ្នាក់ចរាចរណ៍ចំនួន ១៨លើក បណ្ដាលឱ្យមនុស្សស្លាប់ ០៩នាក់ របួស ២៤នាក់ (របួសធ្ងន់ ១២នាក់)៕
ដោយ៖ តារា
