សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានបញ្ចប់ជីវិតដោយយកសារុងចងកសម្លាប់ខ្លួនចោលប្តីក្រោយពីមានទំនាស់ពាក្យសម្តីគ្នាមួយប្រាវមក។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីព្រឹក ថ្ងៃទី៤ ខែមករា ឆ្នាំ២០២៤ នៅបន្ទប់ជួលលេខA17 ភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះ សេក ស្រីពៅ ភេទស្រីអាយុ២៥ឆ្នាំ ស្នាក់នៅកន្លែងកេីតហេតុ មានស្រុកកំណេីតនៅភូមិព្រៃគាំ ឃុំព្រៃគាំ ស្រុកអង្គរបុរី ខេត្តតាកែវ មានប្តីឈ្មោះ ទី នី អាយុ៣០ឆ្នាំ ស្នាក់នៅជាមួយគ្នា។
តាមសម្តីបុរសជាប្តីបានឱ្យដឹងថា គាត់និងប្រពន្ធបានសែនព្រេនចាប់ដៃគ្នាជាប្តីប្រពន្ធអស់រយៈពេល៤ឆ្នាំមកហេីយ តែមិនមានកូននោះទេ ហេីយនៅយប់ថ្ងៃទី៣ខែឆ្នាំដដែលគាត់បានទាស់ពាក្យសម្តីគ្នាជាមួយប្រពន្ធបន្តិចបន្តួច បន្ទាប់មកគាត់ក៏ទៅដេកនៅបន្ទប់បងដែលនៅជិតគ្នា ។ លុះមកវេលាម៉ោង១១ព្រឹក ថ្ងៃទី៤ ខែមករាគាត់បានមកហៅប្រពន្ធហូបបាយ ហើយគ្រាន់តែរុញទ្វារចូលក៏ឃេីញប្រពន្ធចងកជាប់នឹងបង្អួច ភ្លាមៗនោះគាត់បានស្រែកហៅឱ្យអ្នកជិតខាងជួយនិងកាត់ខ្សែដេីម្បីសង្គ្រោះ តែអកុសលប្រពន្ធបានស្លាប់បាត់ទៅហេីយ។
ក្រោយកេីតហេតុបុរសជាប្តីបានរាយការណ៍ទៅសមត្ថកិច្ចឱ្យចុះពិនិត្យជាក់ស្តែង រួចសមត្ថកិច្ចបានប្រគល់សពទៅឱ្យក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖ សុខាសែនជ័យ
