សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី៧ ខែមករា ឆ្នាំ២០២៤ បានបង្ហោះរូបភាព ២ សន្លឹក ក្នុងថ្ងៃ មង្គលការ ដោយបញ្ជាក់ថា: ១៨ឆ្នាំ នៃជីវិតអាពាហ៍ពិពាហ៍បានកន្លងផុតទៅយ៉ាងលឿន (Happy our 18th Anniversary.)
សម្តេចធិបតី ហ៊ុន ម៉ាណែត សូមអរគុណភរិយាជាទីស្រឡាញ់ ចំពោះ ១៨ឆ្នាំ ដែលពោរពេញទៅដោយសេចក្តីស្រឡាញ់ សុភមង្គល និងភាពកក់ក្តៅនៅក្នុងគ្រួសារតូចមួយរបស់យើង។
សម្តេចបន្តថា, រីករាយខួប ១៨ឆ្នាំ នៃចំណងអាពាហ៍ពិពាហ៍របស់យើង (៧ មករា ២០០៦ – ៧ មករា ២០២៤)🥰 ។
សូមបញ្ជាក់ថា, ថ្ងៃនេះ ! សម្តេចធិបតី ហ៊ុន ម៉ាណែត អបអរសាទរ ខួបទី ៤៥ នៃទិវាជ័យជម្នះ ៧ មករា ថ្ងៃកំណេីតទី២ របស់យេីងទាំងអស់គ្នា
សូមចងចាំនូវវីរ:ភាពដ៏អង់អាចក្លាហាន តស៊ូ និងលះបង់គ្រប់បែបយ៉ាងរបស់យុទ្ធជនដែលបានពលី និងខិតខំយ៉ាងលំបាកបំផុត ឆ្លងកាត់គ្រប់ឧបសគ្គ ដេីម្បីរំដោះប្រទេសពីរណ្តៅមរណ:នៃរបបដ៏ខ្មៅងងឹត ៣ឆ្នាំ ៨ខែ ២០ថ្ងៃ។
៧ មករា គឺជាថ្ងៃនៃការចងចាំនូវមហាវីរ:ភាព ដឹងគុណការតស៊ូរបស់យុវជនជំនាន់មុន បន្សល់ទុកមរតកនៃជីវិតប្រជាជនខ្មែរ ហេីយជាមូលដ្ឋានគ្រឹះសម្រាប់កម្ពុជា បច្ចុប្បន្ន ជាពិសេសបានឱ្យគេស្គាល់កម្ពុជា មិនត្រឹមតែជាវាលពិឃាត មកស្គាល់ កម្ពុជា ជាកម្ពុជាដែលពោរពេញដោយសន្តិភាព និងការអភិវឌ្ឍលេីគ្រប់វិស័យ ជាពិសេសជាទីមនោរម្យសម្រាប់មនុស្សផងគ្នា។ ៧ មករា ១៩៧៩ – ៧ មករា ២០២៤ ៕
ដោយ ៖ សុខ ខេមរា
