សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ កម្មករ-កម្មារិនីរោងចក្រកាត់សំលៀក បំពាក់យីហោ ចូវ យានចំនួន៣៦នាក់បានដួលសន្លប់បន្តបន្ទាប់គ្នាមិនទាន់ដឹងមូលហេតុ ខណៈដែលកំពុងបំរើការងារក្នុងរោងចក្រដូចសព្វមួយដង ត្រូវបានដឹកបញ្ជូនទៅកាន់មន្ទីរពេទ្យឯកជនហើយ។
ហេតុការណ៍នេះបានកើតឡើងកាលពីរសៀលថ្ងៃទី១១ ខែមករា ឆ្នាំ២០២៤នៅក្នុងរោងចក្រយីហោ(ចូវយាន) ដែលរោងចក្រនេះ ផលិតសំលៀកបំពាក់ ស្ថិតនៅចន្លោះបង្គោលគីឡូម៉ែត្រលេខ១៦-ទៅលេខ១៧ នៅលើផ្លូវជាតិលេខ៤១ ស្ថិតក្នុងភូមិព្រៃពង្រ ឃុំរការកោះ ស្រុកគងពិសី ខេត្តកំពង់ស្ពឺ។
តាមប្រភពព័ត៌មានពីសមត្ថកិច្ចបានឱ្យដឹងថា រហូត មកដល់ពេលនេះមានកម្មករដួលសន្លប់ដោយមិនទាន់ដឹងមូលហេតុចំនួន៣៦នាក់ហើយ។
ប្រភពព័ត៌មានបានបន្តទៀតថា កម្មករដែលដួលសន្លប់ទាំង៣៦នាក់នោះខាងរោងចក្រ បានដឹកបញ្ជូនយកទៅសំរាកនៅ- មន្ទីរសម្រាកព្យាបាលនិងសម្ភពព្រៃពង្រចំនួន៨នាក់
– មន្ទីរសម្រាកព្យាបាលអង្គមេត្រីចំនួន១៨នាក់
– ពិគ្រោះព្យាបាលសុភមង្គលចំនួន១០នាក់។
ករណីខាងលើនេះសមត្ថកិច្ចជំនាញកំពុងបន្តសហការស្រាវជ្រាវមូលហេតុនៃការដួលសន្លប់នេះ៕
ដោយ៖ សូរិយា
