សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបាក់ជេីងម្ខាងស្ទេីរដាច់ចេញពីគ្នាខណៈជិះម៉ូតូជ្រុលទៅបុករថយន្តបាឡែនមួយគ្រឿងបត់ត្រឡប់ក្រោយមិនប្រយ័ត្ន។
ហេតុការណ៍នេះបានកេីតឡេីងកាលពីវេលាម៉ោង៣រសៀលថ្ងៃទី១៨ ខែមករា ឆ្នាំ២០២៤ នៅចំណុចមុខសាលាសង្កាត់ចោមចៅទី៣ ផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់បេីករថយន្តម៉ាកកាមរីបាឡែន ពណ៌ខ្មៅ ពាក់ស្លាកលេខភ្នំពេញ2I 8891 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីលិចទៅកេីតខណៈមកដល់ចំណុចកេីតហេតុក៏បត់ត្រឡប់ក្រោយជិះតាមផ្លូវខាងក្នុងវិញភ្លាមស្រាប់មានបុរសម្នាក់ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខតាកែវ1E 9103 ធ្វេីដំណេីរតាមបណ្តោយផ្លូវជាតិលេខ៤ក្នុងទិសដៅពីលិចទៅកេីតក៏ជ្រុលបុកចំក្បាលរថយន្តដួលបាក់ជេីងខាងឆ្វេងស្ទេីរដាច់ចេញពីគ្នា។
ក្រោយកេីតហេតុសមត្ថកិច្ចឃាត់ខ្លួនម្ចាស់រថយន្តទុកបណ្តោះអាសន្នសិនរង់ចាំដោះស្រាយពេលក្រោយចំណែកជនរងគ្រោះបាននាំចូលមន្ទីរពេទ្យក្បែរនោះដេីម្បីព្យាបាលរបួស៕
ដោយ៖សុខាសែនជ័យ
