សារព័ត៌មាន នគរវត្ត តែងតែនាំមុខគេជានិច្ច
លោក Mikel Arteta ស្ថិតក្នុងចំណោមបេក្ខភាពគ្រូបង្វឹក៣នាក់ដើម្បីស្នងតំណែងជំនួសលោក Xavi នៅ Barcelona។ នេះបើតាមសេចក្តីរាយការណ៍ក្នុងប្រទេសអេស្ប៉ាញ។ វីរបុរសក្លិបនៅ Nou Camp លោក Xavi បានប្រកាសថា គាត់នឹងចុះចេញពីតំណែងជាគ្រូបង្វឹក Barcelona នៅចុងបញ្ចប់នៃរដូវកាលនេះ។
យោងទៅតាមអ្នកយកព័ត៌មានអេស្ប៉ាញ Gerard Romero អ្នកចាត់ការ Arsenal លោក Arteta ស្ថិតក្នុងចំណោមអ្នកដែលក្លិបយក្ស La Liga នឹងសម្លឹងមើលអ្នកជំនួស។ វាត្រូវបានគេអះអាងថា ប្រធានផ្នែកកីឡារបស់ Barcelona លោក Deco បានចាប់ផ្តើមនិយាយទៅកាន់ភ្នាក់ងាររបស់បេក្ខជនដែលមានសក្តានុពលក្នុងរយៈពេលប៉ុន្មានសប្តាហ៍ចុងក្រោយនេះ។
លោក Jurgen Klopp គ្រោងនឹងចាកចេញពី Liverpool នៅរដូវក្តៅផងដែរ ហើយលោក Julian Nagelsmann ដែលទទួលបន្ទុកក្រុមជម្រើសជាតិអាឡឺម៉ង់ ក៏ត្រូវបានផ្សារភ្ជាប់ជាមួយនឹងតួនាទីនៃក្លិបខាងលើនេះផងដែរ។
Barcelona បានចាត់ទុកលោក Arteta បន្ទាប់ពីបណ្តេញលោក Ronald Koeman ក្នុងខែតុលា ឆ្នាំ២០២១ ប៉ុន្តែលោក Xavi ត្រូវបានតែងតាំងជំនួសវិញហើយ Arteta បានចុះកិច្ចសន្យាថ្មីនៅឆ្នាំ២០២២ដែលរក្សាគាត់ឱ្យជាប់ជាមួយក្លិបកាំភ្លើងធំ រហូតដល់រដូវក្តៅឆ្នាំ២០២៥។
អ្នកជួយឲ្យអេស្ប៉ាញឈ្នះម្ចាស់ជើងឯក World Cup លោក Xavi បានដឹកនាំក្លិបរបស់គាត់ឱ្យឈ្នះពានរង្វាន់លីកកាលពីរដូវកាលមុន ប៉ុន្តែនឹងចាកចេញនៅចុងបញ្ចប់នៃយុទ្ធនាការនេះ។ គាត់បាននិយាយថា “ខ្ញុំគិតថាក្លិបត្រូវការការផ្លាស់ប្តូរ ដើម្បីភាពល្អរបស់កីឡាករ ខ្ញុំជឿថាពួកគេនឹងដោះលែងខ្លួនឯង។ យើងលេងដោយភាពតានតឹងច្រើន ដើម្បីជាប្រយោជន៍ដល់ក្រុមប្រឹក្សាភិបាល វាជាការល្អបំផុតដែល ខ្ញុំចាកចេញ ខ្ញុំនឹងផ្តល់ឱ្យអស់ពីសមត្ថភាព។ ខ្ញុំគិតថាអ្វីៗទាំងអស់នេះនឹងជួយដល់ការផ្លាស់ប្តូរយ៉ាងស្វាហាប់។ នេះជាសារដែលខ្ញុំចង់ផ្តល់ឱ្យ ខ្ញុំគិតថាខ្ញុំកំពុងធ្វើរឿងត្រឹមត្រូវ”។
លោក Xavi បានធ្វើការប្រកាសដ៏គួរឱ្យភ្ញាក់ផ្អើលបន្ទាប់ពីចាញ់ Villarreal ក្នុងផ្ទះ ៥–៣ ដែលធ្វើឱ្យពួកគេចាញ់ក្រុមកំពូលតារាង Real Madrid ចំនួន១០ពិន្ទុ៕
ដោយ៖ ភារៈ(រូបភាព ៖ The Sun)
