ព្យុះព្រិលបានគ្របដណ្តប់ភាគខាងកើតប្រទេសកាណាដា សាលារៀននិងការិយាល័យជាច្រើនត្រូវបិទ

កាលពីថ្ងៃទី 5 ខែកុម្ភៈ ប្រព័ន្ធផ្សព្វផ្សាយក្នុងស្រុកបានរាយការណ៍ថា ព្យុះព្រិលជាប្រវត្តិសាស្ត្រដែលអូសបន្លាយរយៈពេលជាច្រើនថ្ងៃនៅភាគខាងកើតប្រទេសកាណាដាបានធ្វើឱ្យអាជ្ញាធរក្នុងតំបន់ប្រកាសអាសន្ន ហើយសាលារៀន និងការិយាល័យជាច្រើនត្រូវបិទ។

រដ្ឋាភិបាលក្នុងតំបន់ Cape Breton ក្នុងខេត្ត Nova Scotia ត្រូវប្រកាសអាសន្ន នៅពេលដែលកន្លែងជាច្រើនបានឃើញព្រិលធ្លាក់រហូតដល់ 80 សង់ទីម៉ែត្រ។ មនុស្សត្រូវបានណែនាំឱ្យកំណត់ការចេញទៅក្រៅ សម្អាតព្រិលចេញពីផ្លូវ ឬនៅលើផ្លូវ និងសម្អាតព្រិលចេញពីប្រព័ន្ធខ្យល់ក្នុងផ្ទះ។
CBC News បានផ្សាយថា គិតត្រឹមព្រឹកថ្ងៃទី 5 ខែកុម្ភៈ (ម៉ោងក្នុងតំបន់) បរិមាណព្រិលធ្លាក់នៅព្រលានយន្តហោះក្នុងទីក្រុង Sydney រដ្ឋ Nova Scotia មាន 90 សង់ទីម៉ែត្រ ខណៈដែលទីប្រជុំជនក្នុងទីក្រុងនេះមាន 150 សង់ទីម៉ែត្រ។ លើសពីនេះ អាកាសយានដ្ឋាននៅ Halifax, Moncton និង Charlottetown ទាំងអស់ណែនាំអ្នកដំណើរឱ្យពិនិត្យមើលកាលវិភាគហោះហើរមុនពេលចេញដំណើរ។
ព្យុះព្រិលក៏បានបង្កការលំបាកដល់ប្រតិបត្តិការប្រៃសណីយ៍ផងដែរ ជាមួយនឹងការប្រកាសអាសន្នពណ៌ក្រហមនៅក្នុងខេត្ត Prince Edward Island និង Nova Scotia ដែលមានន័យថាការដឹកជញ្ជូននឹងត្រូវពន្យារពេលជាច្រើនថ្ងៃ៕ ដោយ៖ ធីរីណា

រូប​ថត​៖ the canadian press