សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើល ទាំងយប់ ដល់អ្នកភូមិនិងសមត្ថកិច្ចមកអន្តរាគមន៍ជួយសង្គ្រោះដឹកមកកាន់មន្ទីរពេទ្យ ខណៈ បុរសម្នាក់ស្រវឹងស្រា ជោកបើកម៉ូតូ ល្បឿនលឿន ខ្វះការប្រុងប្រយ័ត្ន រេចង្កូត ដួលបោកក្បាលស្លាប់នៅស្រុករមាសហែក។
យោងតាមសមត្ថកិច្ចនគរបាលស្រុកបានអោយដឹង នារសៀលថ្ងៃទី១១ខែកុម្ភៈឆ្នាំ២០២៤នេះថា ពិតជាករណីគ្រោះថ្នាក់ចរាចរណ៍និងបណ្ដាលអោយមនុស្សស្លាប់មែន ដោយជនរងគ្រោះមានឈ្មោះ ជាម ឌីណា អាយុ ៣៧ឆ្នាំ ភេទប្រុស រស់នៅភូមិ ពពេល ឃុំ ត្រស់ ស្រុករមាសហែកខេត្តស្វាយរៀង។
ហេតុការណ៍នេះបានកើតឡើងនៅវេលាម៉ោង៩និង៤៥នាទីយប់ នៅថ្ងៃទី ១០ ខែកុម្ភៈ ឆ្នាំ២០២៤ នៅលើផ្លូវក្រាលគ្រួសក្រហមត្រង់ចំនុច ភូមិតាសួស ឃុំត្រស់ ស្រុករមាសហែក ខេត្តស្វាយរៀង។
តាមសាក្សីបានអោយដឹងថា មុនកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដា សេ១២៥ ពណ៌ខ្មៅ ផលិតឆ្នាំ២០១៦ ពាក់ស្លាកលេខ ស្វាយរៀង1I .7491 ដោយ ដំណើរពីទិសខាងជើង ទៅត្បូង ខណៈប្រើប្រាស់ ល្បឿនលឿន ដល់ចំណុចដូនអុកខាងជើងភូមិតាសួស សង្ស័យ ស្រវឹង ក៏ រេចង្កូត ដួលបោកក្បាល ត្រូវបានបងប្អូនបញ្ជូនទៅព្យាបាលនៅមន្ទីរពេទ្យបង្អែកស្រុករមាសហែក ស្ថានភាពធ្ងន់ បញ្ជូនបន្តទៅពេទ្យខេត្តស្វាយរៀងបានស្លាប់គួរអោយសង្វេគ។
ក្រោយ មកសពត្រូវបាន សាច់ញាតិ យកមកលំនៅដ្ឋានដើម្បីរៀបចំធ្វើ បុណ្យតាមប្រពៃណីទាំងក្ដុកក្ដួលបំផុត៕
ដោយ៖ សុថាន
