សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សាកសពបុរសម្នាក់បានដេកស្លាប់ក្នុងព្រៃឡេីងក្លិនស្អុយ ត្រូវបានប្រជាពលរដ្ឋប្រទះឃេីញកាលពីវេលាម៉ោង៤និង៤០នាទីល្ងាច ថ្ងៃទី១៦ ខែកុម្ភៈ ឆ្នាំ២០២៤ នៅដីឡូត៍មួយកន្លែងជាប់ផ្លូវ៦០ម៉ែត្រ ក្នុងភូមិស្រុកចេក សង្កាត់ជេីងឯក ខណ្ឌដង្កោ រាជធានីភ្នំពេញ ។
សាកសពជនរងគ្រោះនៅមិនទាន់ស្គាល់អត្តសញ្ញាណនៅឡេីយទេ ដែលជាមនុស្សប្រុស វ័យជាង៣០ឆ្នាំ រាងស្គម ដោះអាវ និងស្លៀកខោខ្មៅឆ្នូតស ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុនោះ មានប្រជាពលរដ្ឋម្នាក់ជាអ្នកលក់ផ្កាតាមដងផ្លូវ ហេីយបានដេីរចូលក្នុងព្រៃដេីម្បីបត់ជេីងតូច ខណៈចូលក្នុងព្រៃបានបន្តិចក៏ប្រទះឃេីញសាកសពបុរសរងគ្រោះខាងលេីដេកស្លាប់ និងមានសភាពក្លិនស្អុយទៅហេីយ រួចក៏រាយការណ៍ប្រាប់អាជ្ញាធរមានមូលដ្ឋានមានសមត្ថកិច្ចឲ្យបានដឹង ។
បន្ទាប់ពីទទួលបានដំណឹងខាងលេីនេះភ្លាម សមត្ថកិច្ចមូលដ្ឋាន និងមន្ត្រីជំនាញបានចុះមកដល់កន្លែងកេីតហេតុ និងបានយកខ្សែហ៊ុមព័ទ្ធ ដេីម្បីធ្វេីកោសល្យវិច័យទៅលេីសាកសពឲ្យប្រាកដថា ជនរងគ្រោះស្លាប់ដោយសារអ្វី..!៕
ដោយ ៖ ភារ៉ា ដង្កោ
