សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកេីតហេតុនិង២នាក់ទៀតរងរបួសធ្ងន់ស្រាលត្រូវបានរថយន្តសង្ក្រោះអង្គភាព៧១១ កងពលតូចលេខ៧០ ដឹកទៅមន្ទីរពេទ្យភ្លាមៗបន្ទាប់ពីជួបគ្រោះថ្នាក់ចរាចរណ៍ជិះម៉ូតូប៉ះគ្នាដួលត្រូវរថយន្តកិន កាលពីវេលាម៉ោង៧ និង២០នាទីយប់ ថ្ងៃទី៣ ខែមីនា ឆ្នាំ២០២៤ នៅចំណុចមុខវត្តអរុណវតី តាមបណ្តោយផ្លូវជាតិលេខ៤ ភូមិអូឌឹម សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះសៅ សុីថា ភេទប្រុសអាយុ២៧ឆ្នាំមានស្រុកកំណើតភូមិពោន ឃុំដូង ស្រុករមាសហែកខេត្តស្វាយរៀង បច្ចុប្បន្នជួលបន្ទប់នៅម្តុំកោះពេជ្រនឹងជនរងគ្រោះម្នាក់ទៀតមិនស្គាល់អត្តសញ្ញាណភេទប្រុសរងរបួសធ្ងន់បញ្ជូូនទៅមន្ទីរពេទ្យ បេីកបរម៉ូតូម៉ាកសង់សេ១២៥ពណ៌ខ្មៅពាក់ស្លាកលេខស្វាយរៀង1U.0580។
ចំណែកខាងរថយន្តម៉ាកកូរ៉េពណ៌ឈាមជ្រូកពាក់ស្លាកលេខព្រះសីហនុ3A.5698រីឯអ្នកបើកបរមិនស្គាល់អត្តសញ្ញាណក្រោយពីកើតហេតុបានគេចខ្លួនបាត់។
តាមប្រភពពីកន្លែងកើតហេតុបានអោយដឹងថាមុនពេលកើតហេតុរថយន្តនឹងម៉ូតូបានបើកបរបញ្ច្រាសទិសគ្នាដោយខាងម៉ូតូបើកបរពីលិចទៅកើតលុះមកដល់ចំណុចកើតហេតុក៏បានប៉ះជាមួយម៉ូតូផ្សេងទៀតបណ្តាលឱ្យដួលរួចក៏ត្រូវរថយន្តកិនពីលើបណ្តាលឱ្យស្លាប់ម្នាក់នឹងរបួសធ្ងន់ម្នាក់។
បច្ចប្បន្នរថយន្តនឹងម៉ូតូត្រូវបានកម្លាំងនគរបាលយកទៅរក្សាទុកនៅការិយាលយ័ចរាចរណ៍ផ្លូវគោកស្នងការរាជធានីភ្នំពេញ ចំណែកសពបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ៖សុខាសែនជ័យ
