សារព័ត៌មាន នគរវត្ត តែងតែនាំមុខគេជានិច្ច
រដ្ឋមន្ត្រីការបរទេសចិន លោក Wang Yi កំពុងរៀបចំដំណើរទស្សនកិច្ចទៅកាន់ប្រទេសអូស្ត្រាលី ក្នុងបរិបទដែលទំនាក់ទំនងរវាងទីក្រុងប៉េកាំងនឹងទីក្រុងកង់បេរ៉ាកំពុងល្អប្រសើរ បន្ទាប់ពីភាពតានតឹងជាច្រើនឆ្នាំ។
ទីភ្នាក់ងារព័ត៌មាន Reuters បានរាយការណ៍នៅថ្ងៃទី១៤ ខែមីនាថា នាយករដ្ឋមន្ត្រីអូស្ត្រាលី លោក Anthony Albanese បាននិយាយថា លោកកំពុងទន្ទឹងរង់ចាំដំណើរទស្សនកិច្ចរបស់រដ្ឋមន្ត្រីការបរទេសចិន លោក Wang Yi ទៅកាន់ទីក្រុង Canberra នៅសប្តាហ៍ក្រោយ។
កាសែត The Guardian នៅមុនថ្ងៃដដែលបានរាយការណ៍ថា លោក Wang Yi នឹងទៅបំពេញទស្សនកិច្ចនៅប្រទេសអូស្ត្រាលីនៅសប្តាហ៍ក្រោយ ក្នុងបរិបទដែលទំនាក់ទំនងរវាងទីក្រុងប៉េកាំងនឹងទីក្រុងកង់បេរ៉ាកំពុងល្អប្រសើរបន្ទាប់ពីភាពតានតឹងជាច្រើនឆ្នាំ។
ព័ត៌មាននេះកើតឡើងនៅពេលដែលរដ្ឋាភិបាលការងារដឹកនាំដោយនាយករដ្ឋមន្ត្រីអាល់បានីសកំពុងព្យាយាមកែសម្រួលទំនាក់ទំនងជាមួយប្រទេសចិន – ដៃគូពាណិជ្ជកម្មដ៏ធំបំផុតរបស់អូស្ត្រាលីចាប់តាំងពីគាត់បានឡើងកាន់អំណាចនៅឆ្នាំ 2022 ។
មុននេះ ក្នុងជំនួបជាប្រវត្តិសាស្ត្ររវាងនាយករដ្ឋមន្ត្រីចិន លោក Li Qiang នឹងសមភាគីអូស្ត្រាលី លោក Albanese កាលពីថ្ងៃទី 7 ខែវិច្ឆិកា ឆ្នាំ 2023 ភាគីទាំងពីរបានយល់ព្រមបន្តកិច្ចប្រជុំប្រចាំឆ្នាំក្នុងបរិបទដែលទំនាក់ទំនងរវាងដៃគូពាណិជ្ជកម្មទាំងពីរនេះមានស្ថិរភាព។
ប្រទេសចិនបានប្រកាសថាទំនាក់ទំនងរបស់ខ្លួនជាមួយអូស្ត្រាលីគឺស្ថិតនៅក្នុង “ចំណុចចាប់ផ្តើមថ្មី” ហើយបានបង្ហាញពីបំណងរបស់ខ្លួនក្នុងការពង្រឹងកិច្ចសហប្រតិបត្តិការក្នុងបរិបទដែលដៃគូពាណិជ្ជកម្មទាំងពីរនេះកំពុងព្យាយាមកែសម្រួលទំនាក់ទំនងឡើងវិញក្រោយជួបបញ្ហាជាច្រើន៕
ដោយ៖ ធីរីណា(រូបថត៖ AFP)
