សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ មានករណីគ្រោះថ្នាក់ចរាចរណ៍មួយបានបណ្ដាលឲ្យសត្វគោ០១ក្បាលបានងាប់ និងបុរស០២នាក់បានស្លាប់ភ្លាមៗ នៅវេលាម៉ោង ០០និង៤០នាទី រំលងអធ្រាត្រឈានចូលថ្ងៃទី១៧ ខែមីនាឆ្នាំ២០២៤ លើផ្លូវជាតិលេខ៤ ចន្លោះគីឡូម៉ែត្រលេខ( ៤៦-៤៧ ) ស្ថិតនៅភូមិសំណង់ សង្កាត់រការធំ ក្រុងច្បារមន ខេត្តកំពង់ស្ពឺ ។
ប្រភពព័ត៌មានបានឲ្យដឹងថា ករណីគ្រោះថ្នាក់ចរាចរណ៍នេះ បង្កឡេីងដោយម៉ូតូ០១គ្រឿងម៉ាកយ៉ាម៉ាហាអុិច-អរ (XR) ពណ៌ខ្មៅ ពាក់ផ្លាកលេខភ្នំពេញ1XQ-5354បើកបរពីទិសខាងកើត ទៅទិសខាងលិច អ្នកបើកបរឈ្មោះ សឿង វើន ភេទប្រុស អាយុ២៧ឆ្នាំ អ្នករួមដំណើរឈ្មោះ ឡាំ បូរាណ ភេទប្រុស អាយុ២៥ឆ្នាំ រស់នៅភូមិព្រៃក្បុង ឃុំព្រៃក្មេង ស្រុកភ្នំស្រួច ខេត្តកំពង់ស្ពឺ បើកម៉ូតូដល់ចំណុចខាងលើ បានបុកសត្វគោញីមួយក្បាលដេីរឆ្លងផ្លូវ បណ្តាលឲ្យមនុស្ស០២នាក់បានស្លាប់នៅហ្នឹងកន្លែង រីឯសត្វគោ០១ក្បាលក៏ងាប់ជាមួយគ្នាផងដែរ ។
បេីតាមព័ត៌មានពីមន្រ្ដីនគរបាលមូលដ្ឋានបានឲ្យដឹងថា បច្ចុប្បន្នពលរដ្ឋជាម្ចាស់សត្វចិញ្ចឹមនៅតែបន្ដលែងសត្វមិនទទួលខុសត្រូវនិងតែងតែបង្កបញ្ហាគ្រោះថ្នាក់ផ្សេងៗញឹកញាប់ពេលខ្លះខូចខាតសម្ភារៈ ទោះបីជាអាជ្ញាធរមូលដ្ឋានបានផ្សព្វផ្សាយអំពីបញ្ហានេះហេីយក្ដី ក៏នៅតែបន្ដកេីតមាន ។ ជាក់ស្តែងដូចករណីខាងលេីនេះអញ្ចឹង ប៉ុន្តែទោះជាយ៉ាងណា សមត្ថកិច្ចបាននឹងកំពុងស្រាវជ្រាវរកម្ចាស់សត្វចិញ្ចឹម ដេីម្បីទទួលខុសត្រូវតាមច្បាប់៕
ដោយ ៖ ភារ៉ា ដង្កោ
