សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រសួងបរិស្ថាន នៅថ្ងៃសុក្រទី២២ ខែមីនា ឆ្នាំ២០២៤នេះ បានឱ្យដឹងថា អង្គការសហប្រជាជាតិ បានព្រមានថាភពផែនដី “ជិតដល់ចុងបំផុត” បន្ទាប់ពីរយៈពេលក្តៅបំផុតក្នុងកំណត់ត្រាមួយទសវត្សរ៍។
ក្រសួងបរិស្ថាន បានបន្តថា យោងតាមអង្គការសហប្រជាជាតិ បាននិយាយកាលពីថ្ងៃអង្គារសប្ដាហ៍នេះថា សីតុណ្ហភាពពិភពលោក “បានបំបែក” កំណត់ត្រាកម្ដៅកាលពីឆ្នាំមុន ដោយសាររលកកម្ដៅបានវាយលុកលើមហាសមុទ្រ និងផ្ទាំងទឹកកកបានទទួលរងការបាត់បង់ទឹកកកកំណត់ត្រា ហើយការព្រមានឆ្នាំ២០២៤ ទំនងជានឹងកាន់តែក្តៅ។ របាយការណ៍ស្ថានភាពអាកាសធាតុប្រចាំឆ្នាំដោយអង្គការឧតុនិយមពិភពលោករបស់អង្គការសហប្រជាជាតិ (WMO) បានបញ្ជាក់ទិន្នន័យបឋមដែលបង្ហាញថាឆ្នាំ២០២៣ គឺជាឆ្នាំដែលក្តៅបំផុតមិនធ្លាប់មាន។
ក្រសួងបរិស្ថាន បានឱ្យដឹងទៀតថា ការប្រែប្រួលលអាកាសធាតុកំពុងផ្លាស់ប្តូរឥរិយាបថរបស់សត្វ សត្វល្អិត និងរុក្ខជាតិ ហើយមានផលប៉ះពាល់យ៉ាងធ្ងន់ធ្ងរដល់តុល្យភាពនៅក្នុងប្រព័ន្ធអេកូឡូស៊ី ដោយសារតែនិទាឃរដូវរយៈវែងជាងពីមុននិងកំពុងឆ្ពោះទៅកាន់ទិសខាងជើងដែលបាននាំមកនូវជំងដល់សត្វ និងមនុស្សដូចគ្នា។
ដោយឡែកប្រទេសកូរ៉េ សន្យាផ្តល់ហិរញ្ញប្បទានអាកាសធាតុដល់៤៥២ ពាន់ពាន់លានវ៉ុនរហូតដល់ឆ្នាំ២០៣០។ ការផ្តល់ហិរញ្ញប្បទានអាកាសធាតុនេះស្របតាមកិច្ចខិតខំប្រឹងប្រែងកាន់តែខ្លាំងរបស់ប្រទេសកូរ៉េក្នុងការសម្រេចបាននូវអព្យាក្រឹតភាពកាបូននៅឆ្នាំ២០៥០ និងជំរុញការប្រកួតប្រជែងរបស់ក្រុមហ៊ុនក្នុងស្រុកនៅក្នុងទីផ្សារក្រៅប្រទេស៕
ដោយ៖ តារា
