សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ទ្វីបអឺរ៉ុប UEFA បានឈានដល់ការដោះស្រាយចុងក្រោយកាលពីថ្ងៃសៅរ៍ជាមួយនឹងអ្នកគាំទ្រ Liverpool ដែលបាននាំយកការទាមទាររបួសផ្ទាល់ខ្លួនទាក់ទងនឹងបទពិសោធន៍របស់ពួកគេកាលពីប្រកួតវគ្គផ្តាច់ព្រ័ត្រ Champions League ឆ្នាំ២០២២នៅទីក្រុងប៉ារីស។
អ្នកគាំទ្រ Liverpool រាប់ពាន់នាក់មិនអាចចូលកីឡដ្ឋាន Stade de France សម្រាប់ការទស្សនាវគ្គផ្តាច់ព្រ័ត្រនៅថ្ងៃទី២៨ ខែឧសភា ដែល Real Madrid ឈ្នះ ១–០ ដែលបណ្តាលឱ្យមានការពន្យារពេល៣៦នាទី ខណៈដែលប៉ូលិសបារាំងត្រូវបានថតអ្នកគាំទ្របង្ហូរទឹកភ្នែកនៅខាងក្រៅកីឡដ្ឋាន។
UEFA បានប្រកាសនៅក្នុងសេចក្តីថ្លែងការណ៍មួយថា “អ្នកគាំទ្រ Liverpool តំណាងដោយ Pogust Goodhead និង Bingham Long នឹងទទួលបានប្រាក់សំណងសម្រាប់ការលំបាក និងបញ្ហាប្រឈមដែលពួកគេជួបប្រទះ”ដោយបន្ថែមលក្ខខណ្ឌនៃដំណោះស្រាយនឹងរក្សាការសម្ងាត់។
ស្ថាប័នគ្រប់គ្រងបាល់ទាត់អឺរ៉ុបដំបូងបានស្តីបន្ទោសអ្នកគាំទ្រក្លិបហង្សក្រហមចំពោះភាពចលាចលនេះ មុនពេលសុំទោសបន្ទាប់ពីការចេញផ្សាយការត្រួតពិនិត្យឯករាជ្យកាលពីឆ្នាំមុន។ ក្រោយមក UEFA បានបង្កើតគម្រោងសងប្រាក់វិញ ទោះជាយ៉ាងណាក៏ដោយ Real Madrid បានពណ៌នាថា វាមិនគ្រប់គ្រាន់ និងបានបដិសេធក្នុងការរួមចំណែក ខណៈដែលអ្នកគាំទ្រដែលរងផលប៉ះពាល់បានងាកទៅរកវិធានការផ្លូវច្បាប់។
ក្រោយពេលកើតហេតុ អង្គភាពគ្រប់គ្រងក៏បានចាប់ផ្តើមវិធានការជាបន្តបន្ទាប់សម្រាប់ការប្រកួតវគ្គផ្តាច់ព្រ័ត្ររដូវកាលក្រោយៗរួមទាំងការអនុវត្តអនុសាសន៍នៃការត្រួតពិនិត្យឯករាជ្យ ការបង្កើនចំនួនមន្ត្រីសន្តិសុខ និងការចូលរួមពីអ្នកគាំទ្រក្នុងការរៀបចំផែនការ និងការប្រតិបត្តិឲ្យបានកាន់តែប្រសើរ ចៀសវាងភាពមិនប្រក្រតីកើតមានដូចកាលពីឆ្នាំ២០២២ ៕
ដោយ៖ ភារៈ(រូបភាព ៖ Reuters/CNA)
