សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ឯកឧត្តម OTSUJI Hidehisa
ប្រធានព្រឹទ្ធសភា
សភាជាតិជប៉ុន
រាជធានីតូក្យូ
ឯកឧត្តមជាទីរាប់អាន!
ខ្ញុំសូមអរគុណេឯកឧត្តមដោយស្មោះ ចំពោះពាក្យពេចន៍អបអរសាទរប្រកដោយភាពស្និទ្ធស្នាលរបស់ ឯកឧត្តម ផ្ញើជូនរូបខ្ញុំ ក្នុងឱកាសដែលខ្ញុំត្រូវបានបោះឆ្នោតជ្រើសរើសជាប្រធានព្រឹទ្ធសភា នៃព្រះរាជាណាចក្រកម្ពុជា នីតិកាលទី៥ និងសព្ទសាធុការពររបស់ឯកឧត្តមដល់រូបខ្ញុំ និងប្រទេសជាតិរបស់ខ្ញុំ។
កម្ពុជា និងជប៉ុនមានទំនាក់ទំនងជាប្រវត្តិសាស្ត្រយូរអង្វែង ចំណងមិត្តភាពជាប្រពៃណីស្និទ្ធស្នាល សាមគ្គីភាព និងកិច្ចសហប្រតិបត្តិការប្រកបដោយផ្លែផ្កា ដែលបាននាំមកនូវការអភិវឌ្ឍសង្គម-សេដ្ឋកិច្ច និងវិបុលភាពសម្រាប់ ប្រជាជន និងប្រទេសយើងទាំងពីរ។
ក្នុងនាមប្រធានព្រឹទ្ធសភាកម្ពុជា ខ្ញុំទន្ទឹងរង់ចាំធ្វើការយ៉ាងជិតស្និទ្ធជាមួយឯកឧត្តម និងព្រឹទ្ធសភា នៃសភា ជាតិជប៉ុន ដើម្បីបន្តពង្រឹងបន្ថែមទៀតនូវទំនាក់ទំនងរវាងស្ថាប័ននីតិប្បញ្ញត្តិនិងប្រទេសយើងទាំងពីរ។
សូម ឯកឧត្តម ទទួលនូវការគោរពរាប់អានដ៏ស្មោះស្ម័គ្រអំពីខ្ញុំ ៕
ដោយ ៖ សិលា
