សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រសួងសាធារណការ និង ដឹកជញ្ជូន បានបញ្ជាក់ថា ៖ ដើម្បីបញ្ជៀសការកកស្ទះចរាចរណ៍នៅតាមបណ្តោយផ្លូវមាត់ឆ្នេរសមុទ្ររដ្ឋបាលខេត្តព្រះសីហនុ នឹងរៀបចំលំហូរចរាចរ ក្នុងទិសដៅចាប់ពីឆ្នេរអូរឈើទាល ឆ្ពោះទៅឆ្នេរអូរត្រេះ ដូចខាងក្រោម៖
– កំណាត់ទី១ ៖ ជាផ្លូវឯកទិស ដោយចាប់ពីចំណុចបន្ទប់ទឹកសាធារណៈទី១ រហូតដល់ប្រសព្វវិថីកោះពូឡូវ៉ៃ(ផ្លូវលេខ៣០០)
– កំណាត់ទី២ ៖ ជាផ្លូវធ្វើចរាចរចណ៍ពីរទិស ដោយចាប់ពីចំណុចប្រសព្វវិថីកោះពូឡូវ៉ៃ (ផ្លូវលេខ៣០០ – កែងដំណាក់ស្តេច) រហូតដល់ប្រសព្វផ្លូវលេខ៨៣៧-២ (ហួសហាងកាហ្វេ BROWN ប្រមាណ ៤០០ម) ជៀសវាងការធ្វើដំណើរវាងឆ្ងាយក្រោយតាមផ្លូវ 837 ក្រោយពយអូរឈើទាល
– កំណាត់ទី៣ ៖ ជាផ្លូវឯកទិស ដោយចាប់ពីចំណុចប្រសព្វផ្លូវលេខ៨៣៧-២ (ហួសហាងកាហ្វេ BROWN) រហូតដល់ប្រសព្វផ្លូវលេខ៨៣៧
ការរៀបចំលំហូរចរាចរនេះ គឺគ្រោងនឹងអនុវត្តសាកល្បងចាប់ពីថ្ងៃទី១០ ខែមេសា ឆ្នាំ២០២៤ នេះតទៅ។
យើងខ្ញុំសូមធ្វើការអធ្យាស្រ័យទុកជាមុន នូវរាល់ការខ្វះខាត ឬភាពមិនពេញលេញ មួយចំនួនក្នុងការរៀបចំលំហូរចរាចរនេះ ហើយនឹងធ្វើការរៀបចំបំពេញបន្ថែមនូវរាល់កង្វះខាតនានា តាមពេលក្រោយទៀត។
អាស័្រយហេតុនេះ សូម សាធារណជន ទាំងអស់ជ្រាបជាព័ត៌មាន និងចូលរួមសហការ។ សូមអរគុណ 🙏🙏🙏 ៕
ដោយ ៖ សិលា
