សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមការបញ្ជាក់របស់លោកនាយឧត្តមសេនីយ៍ ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ បានថ្លែងឱ្យដឹងនៅព្រឹកថ្ងៃទី១៨ ខែមេសា ឆ្នាំ២០២៤នេះថា គិតចាប់ពីម៉ោង ៣៖០០នាទី នាថ្ងៃទី១៥ ដល់វេលាម៉ោង ៣៖០០នាទី ថ្ងៃទី១៦ ខែមេសា ឆ្នាំ២០២៤ សមត្ថកិច្ចកម្ពុជាបានទទួលសំណើចំនួន ០៣ករណីទៀត ដែលស្នើឱ្យជួយសង្គ្រោះជនជាតិបរទេស ៣នាក់។
លោកអ្នកនាំពាក្យ បានគូសបញ្ជាក់ថា បច្ចុប្បន្នភាពស្រាវជ្រាវ តាមបញ្ជីតាមដាន គិតត្រឹមថ្ងៃទី១៦ ខែមេសា ឆ្នាំ២០២៤ រួមមាន៖
១៖ ទទួលបានណ្តឹងសរុប ១,៤០២សំណើរ មានមនុស្ស ៣,២០១នាក់
២៖ បានស្រាវជ្រាវស៊ើបអង្កេតបឋម ១,២៧២សំណើ និងបិទសំណុំរឿង ៤២០សំណើ (រកឃើញមនុស្ស ១,៩២៥នាក់, ឃាត់ខ្លួនជនសង្ស័យ ១៤៧នាក់, បិទក្រុមហ៊ុន ៥ទីតាំង, និងផ្អាកអាជីវកម្ម ក៏ដូចជាស្រាវជ្រាវក្រុមហ៊ុន ៤ទីតាំង)
៣៖ កំពុងបន្តបើកប្រតិបត្តិការស្រាវជ្រាវ និងស៊ើបអង្កេត ៨៨ករណី៕
ដោយ៖ តារា
