បុរសម្នាក់លោតពីលើស្ពានបន្សល់ទុកម៉ូតូ និង សម្ភារៈ មួយ ចំនួននៅ លើស្ពានជ្រោយចង្វា ប៉ែកខាងកើត

ភ្នំពេញ ៖ បុរសម្នាក់លោតពីលើស្ពានបន្សល់ទុកម៉ូតូ និង សម្ភារៈ មួយ ចំនួនកាលពី វេលា ម៉ោង ១១ យប់ ថ្ងៃ ទី ២៥ ខែមេសា ឆ្នាំ ២០២៤ ស្ថិត នៅ លើ ស្ពាន ជ្រោយចង្វា ប៉ែក ខាងកើត ( ស្ពាន មិត្តភាព កម្ពុជា – ជប៉ុន ) ស្ថិត នៅ ក្នុង មូលដ្ឋាន នៃ សង្កាត់ ជ្រោយចង្វា ខណ្ឌ ជ្រោយចង្វា រាជធានី ភ្នំពេញ ។ 

យោង តាម ប្រភព ព័ត៌មាន ពី ប្រជាពលរដ្ឋ ដែល ធ្វើ ដំណើរ ឆ្លងកាត់ ស្ពាន បាន ឲ្យ ដឹង ថា ៖ មុន ពេល កើតហេតុ គាត់ បានឃើញ បុរស ម្នាក់ នៅ ឈរ ក្បែរ ម៉ូតូ ១ គ្រឿង ម៉ាក ស្គូ ពី ពណ៌ ស មាន ផ្លា ក លេខ ភ្នំពេញ ១FU-០០១៨ តែ គាត់ មិនសូវ ជា ចាប់អារម្មណ៍ ។

លុះ ជិះ ម៉ូតូ ត្រឡប់ មក វិញ ស្រាប់តែ ឃើញ មនុស្ស ចោមរោម ទើប ដឹង ថា បុរស រូប នោះ បាន លោតទឹក សម្លាប់ ខ្លួន បាត់ ទៅ ហើយសល់ម៉ូតូ១ គ្រឿង ។ 

ប្រភព មួយទៀត ពី នារី ម្នាក់ បាន ឲ្យ ដឹងថា ៖ នៅ ពេល ដែល នាង ធ្វើ ដំណើរ ឆ្លងកាត់ ស្ពាន ជ្រោយ ចង្វា មក ដល់ ចំណុច កើតហេតុ នាង បាន ប្រទះ ឃើញ បុរស ម្នាក់ លោត ពីលើ ស្ពាន ទៅ ក្រោម បាត់ តែ ម្តង ។ ខណៈ អ្នក ផ្សេង ទៀត បានឃើញ បុរស ខាងលើ ពាក់អាវ ពណ៌ ស កំពុង ឈរ ជក់បារី នៅ ក្បែរ ម៉ូតូ លុះ ជក់ រួច ក៏ ទុក បារី មួយ កញ្ចប់ នៅ លើ កែបម៉ូតូ ក្បែរ មួក សុវត្ថិភាព ហើយ ក៏ លោត ទឹកតែ ម្តង។

សម្ភារៈ ដែល បន្សល់ ទុក នៅ លើ ស្ពាន រួម មាន៖

-ម៉ូតូ ម៉ាក ស្គូ ពី ពណ៌ ស ១គ្រឿង

-មួក សុវត្ថិភាព ១ 

-បារី ១ កញ្ចប់ និង ដែកកេះ រួម ទាំង ថង់ ដាក់ សម្លៀក បំពាក់ ១ ថង់ ព្រមទាំង ទូរស័ព្ទ មួយគ្រឿងផងដែរ ៕

ដោយ៖ សិលា