សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកតូយូ៉តាព្រូសមួយគ្រឿងបេីកបរលឿនមិនប្រយ័ត្នជ្រុលទៅបុករថយន្តស៊េរីទំនេីបពីក្រោយពេញទំហឹងបណ្តាលឱ្យរងការខូចខាតយ៉ាងដំណំ។
ហេតុការណ៍ខាងលេីនេះបានកេីតឡេីងកាលពីវេលាម៉ោង៩និង២០នាទីព្រឹក ថ្ងៃទី១១ ខែឧសភា ឆ្នាំ២០២៤ នៅលេីកំណាត់ផ្លូវក្រវាត់ក្រុង សង្កាត់កន្ទោក ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តស៊េរីទំនេីបម៉ាកATTO3 ពណ៌ស ពាក់ស្លាកលេខភ្នំពេញ2BS 1973 បើកតាមបណ្តោយផ្លូវក្រវាត់ក្រុងក្នុងទិសដៅពីត្បូងទៅជេីង ខណៈមកដល់ចំណុចកេីតហេតុក៏បានឈប់រង់ចាំភ្លើងបៃតង ភ្លាមនោះស្រាប់តែមានរថយន្តម៉ាកតូយូ៉តាព្រូសពណ៌ក្រហម ពាក់ស្លាកលេខភ្នំពេញ2BI -7398 ធ្វេីដំណេីរមកពីក្រោយក្នុងល្បឿនលឿនមិនប្រយ័ត្នក៏ជ្រុលទៅបុកគូទពេញទំហឹងបណ្តាលឱ្យរងការខូចខាតយ៉ាងដំណំ តែសំណាងល្អមិនមានមនុស្សរងរបួស ប៉ុន្តែធ្វេីឱ្យមានការកកស្ទះចរាចរណ៍យ៉ាងខ្លាំង។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុនិងធ្វេីការសម្របសម្រួសភាគីទាំងសងខាង៕
ដោយ៖សុខាសែនជ័យ
