សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយអនុវត្តន៍តាមបទបញ្ជាដ៏ម៉ឺងម៉ាត់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការរាជធានីភ្នំពេញ,និង លោក ជា ខេមា អភិបាល នៃគណៈអភិបាលខណ្ឌដូនពេញ។
លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ ដឹកនាំដោយលោកវរសេនីយ៍ត្រី លក សួរស្តី អធិការរងខណ្ឌដូនពេញ កម្លាំងជំនាញខណ្ឌ សហការជាមួយប៉ុស្តិ៍ បានចុះបង្ក្រាបជាក់ស្តែង ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចផ្លូវឌឿងហែម ហែមជាតិ សង្កាត់ផ្សារចាស់ ខណ្ឌដូនពេញ នៅម៉ោង ៩និង៣០នាទីយប់ ថ្ងៃទី ១៤ ខែឧសភា ឆ្នាំ២០២៤ ដោយឃាត់ខ្លួនជនសង្ស័យ៣នាក់ដកហូតបានថ្នាំញៀនចំនួន០៥កញ្ចប់តូច និងឧបករណ៍សម្រាប់ជក់ថ្នាំមួយចំនួនទៀត ។
លោកវរសេនីយ៍ត្រី លក សួរស្តី អធិការរងខណ្ឌដូនពេញទទួលផែនគ្រឿងញៀនបានឲ្យដឹងថា ជនសង្ស័យដែលឃាត់ខ្លួនមាន៖
ទី១.ឈ្មោះ ប៉ែន មករា ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងឌឿងហែមខាងលើ (ជួញដូរ)។
២.ឈ្មោះ អែម ជីឡូ ភេទប្រុសអាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងឌឿងហែមខាងលើ(ប្រើប្រាស់)។
៣.ឈ្មោះ រ៉ា ប៊ុនធឿន ភេទប្រុសអាយុ២៩ឆ្នាំជនជាតិខ្មែរ មុខរបរមិនពិតប្រាកដ ស្នាក់នៅក្នុងឌឿងហែមខាងលើ (ប្រើប្រាស់)។
វត្ថុតាងត្រូវចាប់យករួមមាន៖
១-ក្រាមពណ៌សថ្លាសង្ស័យជាសារធាតុញៀន ចំនួន ០៥កញ្ចប់តូច។
២-ឧបករណ៍ប្រើប្រាស់គ្រឿងញៀនមួយចំនួន។
៣-ដែកកែច្នៃចំនួន០១ដើម។
បច្ចុប្បន្នជនសង្ស័យនឹងវត្ថុតាងកំពុងឃាត់ខ្លួនបណ្តោះអាសន្ន ហើយកម្លាំងជំនាញខណ្ឌសហការជាមួយប៉ុស្តិ៍ កំពុងបន្តស្រាវជា្រវរកបក្ខពួកមេខ្លោង និងក្រុមដទៃផ្សេងទៀត ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តអនុវត្តតាមនីតិវិធី៕
ដោយ៖ ជ្រោយពេជ្រ
