សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើឆ្នើម Jude Bellingham បានស៊ុតបញ្ចូលទីគ្រាប់ទី១៩នៅ La Liga របស់គាត់ ខណៈដែលម្ចាស់ជើងឯក Real Madrid បានយកឈ្នះលើក្រុម Alaves នៅកីឡដ្ឋាន Santiago Bernabeu ក្នុងលទ្ធផល៥ទល់០កាលពីរំលងអធ្រាត្រឈានចូលថ្ងៃទី១៥ ឧសភានេះ។
កីឡាករជម្រើសជាតិអង់គ្លេសរូបនេះបានបើកការស៊ុតបញ្ចូលទីក្នុងការប្រកួតដំបូងរបស់ Real Madrid ចាប់តាំងពីការទទួលបានពានរង្វាន់ La Ligaនៅពេលដែលគាត់បានដឹកនាំការបញ្ជូនបាល់របស់ Toni Kroos នៅនាទីទី១០។
គ្រាប់បាល់របស់ Bellingham បានធ្វើឱ្យគាត់បានដេញតាមពីក្រោយខ្សែប្រយុទ្ធ Artem Dovbyk របស់ Girona ១គ្រាប់ក្នុងការប្រជែងដណ្តើមស្បែកជើងមាសជាមួយនឹងការប្រកួតលីកចំនួន២ដែលនៅសល់ក្នុងរដូវកាលនេះ។
ខ្សែប្រយុទ្ធសញ្ជាតិប្រេស៊ីល Vinicius Jr បានរកគ្រាប់បាល់នាំមុខ២គ្រាប់របស់ Real Madrid នៅនាទីទី២៧ ដោយការស៊ុតបាល់បញ្ចូលទីពីការបញ្ជូនរបស់កីឡាករ Eduardo Camavinga។
Federico Valverde រកបានគ្រាប់បាល់នាំទី៣ នៅលើការវាយលុកនៃតង់ទី១ ជិតនឹងចប់ម៉ោងទៅហើយ ជាមួយនឹងការស៊ុតបញ្ចូលទីយ៉ាងល្អពីការបញ្ជូនបាល់របស់ខ្សែបម្រើ Bellingham។
អ្នកចាំទីសញ្ជាតិបែលហ្ស៊ិក Thibaut Courtois បានចាប់ផ្តើមចូលមកជំនួសកីឡាករ Andriy Lunin និងបានធ្វើការសង្គ្រោះដ៏អស្ចារ្យជាច្រើនដែលធ្វើឱ្យគ្រូបង្វឹក Real Madrid លោក Carlo Ancelotti មានការសម្រេចចិត្តដ៏លំបាកថា តើនរណានឹងបង្ហាញខ្លួនជាជម្រើសដំបូងពេលប្រកួតទល់នឹងក្រុម Borussia Dortmund នៅវគ្គផ្តាច់ព្រ័ត្រនៃក្របខ័ណ្ឌ Champions League ខាងមុខ។
កីឡាករវ័យក្មេងតួគី Arda Guler បានរកគ្រាប់បាល់បញ្ចូលទីគ្រាប់ទី៥ នៅនាទីទី៨១ ដោយការស៊ុតបញ្ចូលទីចេញពីតំបន់ជ្រុងផុតដៃអ្នកចាំទីរបស់ក្រុម Alaves។
បច្ចុប្បន្ន Real Madrid នៅសល់តែ១ប្រកួតទៀតប៉ុណ្ណោះ ក្នុងការតាមស្មើកំណត់ត្រាក្លិបរបស់ពួកគេក្នុងការប្រកួតនៅក្របខ័ណ្ឌ La Liga ចំនួន៣១ប្រកួត ដែលមិនធ្លាប់ចាញ់ ដែលក្លិបធ្លាប់ធ្វើបានក្នុងរដូវកាល១៩៨៩-១៩៩០ ៕
ដោយ៖ ភារៈ (រូបភាព ៖ BBC Sport)
