សារព័ត៌មាន នគរវត្ត តែងតែនាំមុខគេជានិច្ច
ជំនួយការអ្នកចាត់ការទូទៅរបស់ក្លិបហង្សក្រហម Liverpool លោក Pepijn Lijnders ត្រូវបានតែងតាំងជាគ្រូបង្វឹកថ្មីរបស់ក្លិប Red Bull Salzburg។
បុរសវ័យ៤១ឆ្នាំដែលបានចូលរួមជាមួយ Liverpool កាលពីឆ្នាំ២០១៤ នឹងទៅក្លិបអូទ្រីសនៅរដូវក្តៅនេះក្នុងកិច្ចសន្យារយៈពេល៣ឆ្នាំ។
លោក Lijnders ដែលកំពុងស្ថិតក្នុងតំណែងទី២របស់គាត់នៅ Anfield ត្រូវបានគេគ្រោងនឹងចាកចេញពីក្លិបបន្ទាប់ពីការសម្រេចចិត្តរបស់លោក Jurgen Klopp ចុះចេញពីតំណែង។
បុរសសញ្ជាតិហូឡង់រូបនេះបាននិយាយថា គាត់ចង់បង្កើតទម្រង់លេងបែបវាយលុកនៅក្លិបថ្មីរបស់គាត់ ដែលជាកន្លែងដែលចំណង់ចំណូលចិត្ត និងការស្រេកឃ្លានសម្រាប់ភាពជោគជ័យគឺជាមូលដ្ឋាននៃអ្វីគ្រប់យ៉ាង ។
ដោយបានធ្វើការដំបូងក្រោមការដឹកនាំរបស់លោក Brendan Rodgers លោក Lijnders នៅតែជាផ្នែកសំខាន់នៃបុគ្គលិកផ្នែកខាងក្រោយរបស់ Liverpool បន្ទាប់ពីការតែងតាំងរបស់លោក Klopp ក្នុងខែតុលា ឆ្នាំ២០១៥។
គាត់បានចាកចេញពីហង្សក្រហមសម្រាប់រយៈពេលខ្លីក្នុងនាមជាអ្នកចាត់ការក្លិបហូឡង់ NEC Nijmegen ប៉ុន្តែបានត្រលប់ទៅ Anfield ប្រាំពីរខែក្រោយមកដើម្បីបំពេញតួនាទីពីមុនរបស់គាត់។ ចំណែកគ្រូបង្វឹកផ្នែកអភិវឌ្ឍន៍របស់ Liverpool លោក Vitor Matos នឹងចូលរួមជាមួយលោក Lijnders ក្នុងក្រុមអូទ្រីសខាងលើជាជំនួយការអ្នកគ្រប់គ្រងរបស់គាត់ផងដែរ ៕
ដោយ៖ ភារៈ (រូបភាព ៖ BBC Sport)
