សារព័ត៌មាន នគរវត្ត តែងតែនាំមុខគេជានិច្ច
អ្នកចាំទី Ederson របស់ក្រុម Manchester City នឹងខកខានការប្រកួតពានរង្វាន់ Premier League របស់ពួកគេ និងការប្រកួតវគ្គផ្តាច់ព្រ័ត្រ FA Cup ដោយសារតែរបួសភ្នែក។ កីឡាករអន្តរជាតិប្រេស៊ីលវ័យ៣០ឆ្នាំរូបនេះមិនសប្បាយចិត្តទេដែលត្រូវបានជំនួសមកវិញនៅនាទី៦៩នៃការប្រកួតលីកក្នុងការយកឈ្នះ ២-០ កាលពីថ្ងៃអង្គារនៅលើទឹកដីក្រុម Tottenham បន្ទាប់ពីការប៉ះទង្គិចជាមួយនឹងកីឡាករ Cristian Romero របស់ Spurs ។
Manchester City នឹងធ្វើជាម្ចាស់ផ្ទះទទួលក្រុម West Ham នៅថ្ងៃអាទិត្យ ដោយដឹងពីជ័យជម្នះ ឬត្រូវគ្នានឹងលទ្ធផលរបស់ Arsenal ទល់នឹង Everton នឹងឈ្នះពានជាលើកទី៤ជាប់ៗគ្នា។ បន្ទាប់មក Man City ជួប Manchester United នៅវគ្គផ្តាច់ព្រ័ត្រ FA Cup នៅ Wembley នៅថ្ងៃទី២៥ ឧសភា។
អ្នកចាំទី Stefan Ortega ដែលបានប្តូរជំនួស Ederson ទល់នឹង Spurs ត្រូវបានកំណត់ឱ្យធ្វើជាបេក្ខភាពសម្រាប់ការប្រកួតពីរចុងក្រោយនេះ។ កីឡាករអាឡឺម៉ង់បានលេងគ្រប់ជុំនៃ FA Cup និង League Cup ក្នុងរយៈពេលពីររដូវកាលកន្លងមក ហើយទំនងជាមានវត្តមាននៅ Wembley ទោះបីជា Ederson មានវត្តមានក៏ដោយ ៕
ដោយ៖ ភារៈ (រូបភាព ៖ BBC Sport)
