សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កម្លាំងនគរបាល នៃស្នងការដ្ឋាននគរបាលខេត្តព្រះសីហនុ បានប្រកាសព្រមានលើម្ចាស់គ្រុបTeLegram មួយដែលមានឈ្មោះ វីដេអូបែកធ្លាយ២០២៤ និងអ្នកពាក់ព័ន្ធត្រូវបញ្ឈប់ជាបន្ទាន់ មុនឈានដល់ប្រឈមចំពោះមុខច្បាប់។
មន្ត្រីនគរបាលខេត្តព្រះសីហនុ ក៏បានបញ្ជាឱ្យម្ចាស់គ្រុបត្រូវរំលាយគ្រុបនេះជាបន្ទាន់ មុនឈានដល់ប្រឈមចំពោះមុខច្បាប់ ក្នុងបទសញ្ចារកម្ម មាត្រា២៨៤ អាចជាប់ពន្ធនាគារពី ២ ទៅ ៥ឆ្នាំ។
ដោយឡែកយោងតាមការប្រកាសនៅលើបណ្ដាញសង្គមហ្វេសប៊ុកផេក មានគណនីឈ្មោះ ប្រជាជនខេត្តព្រះសីហនុ បានសរសេរថា៖” បុគ្គលដែលពាក់ព័ន្ធនឹងសកម្មភាពក្នុងគ្រុបនេះ សូមបញ្ឈប់ជាបន្ទាន់ ក្នុងករណីយករូបប្អូនស្រីរងគ្រោះម្នាក់ទៅបង្ហោះចូលគ្រុប និងសរសេរក្នុងន័យប៉ះពាល់ដល់កិត្តិយសរបស់ប្អូនស្រីរងគ្រោះ”។
ជាមួយគ្នានេះ អាជ្ញាធរខេត្តព្រះសីហនុ កាលពីថ្ងៃទី២៣ ខែឧសភា ឆ្នាំ២០២៤ម្សិលមិញនេះ ក៏បានឱ្យម្ចាស់គណនីហ្វេសប៊ុកឈ្មោះ Ch Ay និងតេលេក្រាមឈ្មោះ Ble ជាពិសេសម្ចាស់គ្រុបនេះត្រូវបញ្ឈប់សកម្មភាព និងរំលាយគ្រុបនេះជាបន្ទាន់ មុននឹងត្រូវប្រឈមមុខចំពោះមុខច្បាប់។ ចំពោះបុគ្គល ដែលយករូបប្អូនស្រីរងគ្រោះទៅបង្ហោះចូលគ្រុប និងសរសេរបំពានប៉ះពាល់កិត្តិយស សូមលុបចេញ និងសុំទោសដល់ជនរងគ្រោះជាបន្ទាន់៕
ដោយ៖ តារា
